श्रावण महिना आला की वातावरणात एक खास आध्यात्मिक शांती जाणवू लागते. निसर्ग हिरवागार होतो आणि भक्तगण भोलेनाथाच्या पूजेत मग्न होतात. या महिन्याला भगवान शंकराचे विशेष महत्त्व असल्याने घराघरांमध्ये पूजा-अर्चना, व्रत-वैकल्य सुरू होतात. पण फक्त धार्मिक कर्मकांड पुरेसे नाहीत. जर आपण वास्तुशास्त्राचे नियमही पाळले, तर याचा आपल्या आयुष्यावर खूपच सकारात्मक परिणाम होतो, असं मानलं जातं.
देवघराची स्वच्छता
वास्तुशास्त्रानुसार, श्रावण महिन्यात काही गोष्टींची विशेष काळजी घेतली गेली पाहिजे. सर्वात पहिली गोष्ट म्हणजे घराची आणि विशेषतः देवघराची स्वच्छता. पूजास्थळ स्वच्छ ठेवणं ही एक धार्मिक जबाबदारी असली तरी वास्तुशास्त्रातही याला महत्त्व दिलं गेलं आहे. असं मानलं जातं की स्वच्छतेमुळे केवळ वातावरण शुद्ध राहत नाही, तर धन, शांती आणि समृद्धीही घरात टिकून राहते.
चंद्रदोषाचा प्रभाव कमी करण्याचा उपाय
या महिन्यात चंद्राचा प्रभाव जर कुणावर नकारात्मक असेल, तर मानसिक अस्वस्थता वाढू शकते. अशावेळी सोमवारी शिवलिंगावर तांदळाची खीर अर्पण करणं हे उपाय म्हणून फायदेशीर मानलं जातं. ही खीर अर्पण केल्यानंतर पुन्हा घरी आणू नये, असा सल्ला दिला जातो. या क्रियेमुळे मनःशांती लाभते आणि चंद्रदोषाचा प्रभावही कमी होतो.
उसाचा रस
आर्थिक अडचणींचा सामना करत असाल, तर उसाच्या रसाने शिवलिंगावर अभिषेक करणं हे अत्यंत शुभ मानलं जातं. वास्तुशास्त्र सांगतं की, उसाचा रस ही श्रीमंतीची प्रतीक आहे आणि श्रावणात त्याने अभिषेक केल्यास आर्थिक स्थितीत सुधारणा होते.
लाल मसूर
तसेच, राहूच्या त्रासामुळे जर घरात कलह, मानसिक ताण किंवा अनिश्चितता निर्माण होत असेल, तर सोमवारी शिवलिंगावर नारळ अर्पण करावं. यामुळे घरात सौहार्द आणि शांतता नांदते, असं तज्ज्ञ सांगतात. कर्जबाजारीपणातून मुक्त व्हायचं असल्यास, मंगळवारी शिवलिंगावर लाल मसूर अर्पण करणं हे आणखी एक प्रभावी उपाय आहे.
शुद्ध तुपाचा अभिषेक
या महिन्यात तुपाने अभिषेक केल्याने जीवनात समृद्धीचा प्रकाश पडतो. भगवान शिवाला तुपाने अभिषेक केल्याने तो प्रसन्न होतो, आणि आपल्या आयुष्यात आनंद, आरोग्य आणि यश हे तीनही मूल्यवान खजिने खुलतात.
