भारतीय मोबाईल बाजारात आजच्या घडीला जो काही खऱ्या अर्थाने ‘बजेटचा बादशहा’ ठरतो आहे, तो म्हणजे Realme. कमी किमतीतही ग्राहकांच्या अपेक्षा पूर्ण करणाऱ्या या ब्रँडने आपल्या नव्या Realme 15 मालिकेमुळे पुन्हा एकदा बाजारात खळबळ उडवली आहे. आज प्रत्येक जण जेव्हा उत्तम फीचर्स आणि दमदार बॅटरीसह फोन शोधतो, तेव्हा Realme नेमकं तिथेच आपली ताकद दाखवतंय. यंदा त्यांनी फक्त एकच नव्हे, तर दोन स्मार्टफोन लाँच करून ग्राहकांसाठी उत्तम पर्याय उपलब्ध करून दिले आहेत.
Realme 15
Realme 15 हा फोन ज्यामध्ये 12GB RAM आणि तब्बल 7,000mAh क्षमतेची दमदार बॅटरी दिली आहे, जो दिवसातून अनेकदा चार्ज करण्याच्या झंझटीपासून सुटका करतो. यासोबत 80W च्या फास्ट चार्जिंगचा सपोर्ट दिला असल्यामुळे फोन काही मिनिटांत चार्ज होतो. छायाचित्रप्रेमींसाठी यात 50MP चा मुख्य आणि 50MP चाच सेल्फी कॅमेरा असून, दोन्हीही त्याच्या किमतीच्या तुलनेत उत्कृष्ट दर्जा देतात.
या फोनची सुरुवातीची किंमत 25,999 रुपये ठेवण्यात आली आहे, जी सामान्य ग्राहकाच्या बजेटमध्ये सहज बसणारी आहे. याचे आणखी एक आकर्षण म्हणजे त्याचा वॉटरप्रूफ असलेला IP66, IP68 आणि IP69 प्रमाणपत्र असलेला बांधणी दर्जा, ज्यामुळे तो ओलाव्यातही खराब होत नाही. भारतात कमी बजेटमध्ये वॉटरप्रूफ फीचर देणारे फोन फारच कमी आहेत, आणि Realme 15 त्यात बाजी मारतोय.
Realme 15 Pro 5G
कंपनीने यासोबतच Realme 15 Pro 5G देखील लाँच केला आहे. या ‘प्रो’ व्हेरिएंटची किंमत 31,999 रुपये ठेवण्यात आली आहे, ज्यामध्ये 8GB RAM आणि 128GB स्टोरेज मिळते. हे मॉडेल अधिक वेगवान आणि पॉवरफुल वापरासाठी डिझाइन करण्यात आले आहे आणि यामध्ये Snapdragon 7 Gen 4 प्रोसेसर वापरण्यात आला आहे. हे दोन्ही फोन Realme UI 6 वर चालतात, जे Android 15 वर आधारित आहे, त्यामुळे सॉफ्टवेअर अनुभव देखील स्मूथ राहतो.
डिस्प्लेच्या बाबतीत दोन्ही फोन 6.8 इंच AMOLED पॅनलसह येतात, ज्यामध्ये 1.5K रिझोल्यूशन आणि 144Hz रिफ्रेश रेट आहे. त्यामुळे गेमिंग, व्हिडीओ स्ट्रीमिंग किंवा स्क्रोलिंग, सगळा अनुभव अधिक चांगला आणि झकास वाटतो. या डिस्प्लेमध्ये दिलेला 6500 nits पीक ब्राइटनेस उन्हातही स्क्रीन सहज वाचता येईल, एवढा जबरदस्त आहे.
Realme 15 मालिका Flipkart, Realme ची अधिकृत वेबसाइट आणि देशभरातील ऑफलाइन स्टोअर्सवर 30 जुलैपासून विक्रीसाठी उपलब्ध आहे.
