Punjab National Bank FD Scheme : अलीकडे शेअर मार्केट आणि म्युच्युअल फंड मध्ये गुंतवणूक करणाऱ्यांचे प्रमाण फारच वाढले आहे. फिक्स डिपॉझिटसह इतर विविध सरकारी बचत योजनांच्या तुलनेत शेअर मार्केट आणि म्युच्युअल फंड मधून अधिक परतावा मिळण्याची शक्यता असते आणि म्हणूनच गुंतवणूकदार याकडे अधिक आकर्षित झालेले आहेत.
पण शेअर मार्केट आणि म्युच्युअल फंड मधील गुंतवणूक जोखीमपूर्ण असते. यामुळे अनेक जण विशेषता महिला वर्ग आणि सीनियर सिटीझन सुरक्षित गुंतवणुकीसाठी बँकांच्या एफडी योजनेला प्राधान्य दाखवतात.
अशा स्थितीत जर तुम्हालाही फिक्स डिपॉझिटमध्ये पैसे गुंतवायचे असतील विशेषता शॉर्ट टर्मसाठी एफडी करायची असेल तर आजची बातमी खास ठरणार आहे. कारण की आज आपण पंजाब नॅशनल बँक या सरकारी बँकेच्या एफडी योजनेची माहिती पाहणार आहोत.
पंजाब नॅशनल बँकेची FD योजना ठरणार फायदेशीर
पंजाब नॅशनल बँक आपल्या ग्राहकांना सात दिवसांपासून ते दहा वर्ष कालावधीची एफडी योजना ऑफर करते. ही बँक एफडी करणाऱ्या ग्राहकांना 3.25% पासून ते 7.50% दराने व्याज देते. बँक 271 दिवसांच्या शॉर्ट टर्म एफडी मध्ये गुंतवणूक करणाऱ्यांना सुद्धा चांगले व्याज देत आहे.
बँकेकडून मिळालेल्या माहितीनुसार 271 दिवसांच्या शॉर्ट टर्म एफडी मध्ये गुंतवणूक करणाऱ्या सामान्य ग्राहकांना बँकेकडून 6% दराने व्याज दिले जात आहे तसेच याच कालावधीच्या एफडी मध्ये गुंतवणूक करणाऱ्या सीनियर सिटीजन ग्राहकांना म्हणजेच 60 वर्षांपेक्षा अधिक वय असणाऱ्या ग्राहकांना बँकेकडून 6.50% दराने व्याज दिले जात आहे.
अर्थातच जर तुम्हाला तुमच्या कुटुंबातील ज्येष्ठ नागरिकांच्या नावाने फिक्स डिपॉझिट मध्ये गुंतवणूक करायची असेल आणि जर तुम्हाला अल्प कालावधीसाठी ही गुंतवणूक करायची असेल तर तुमच्यासाठी पंजाब नॅशनल बँकेचा पर्याय सर्वोत्कृष्ट ठरू शकतो.
4 लाखांची गुंतवणूक केल्यास किती रिटर्न मिळणार?
पंजाब नॅशनल बँकेत अनेकजण FD करतात. कारण म्हणजे ही एक सरकारी बँक आहे आणि या बँकेत केलेली एफडी सुरक्षित मानली जाते.
म्हणून जर तुम्हीही सुरक्षित गुंतवणुकीसाठी पंजाब नॅशनल बँकेच्या 271 दिवसांच्या एफडी योजनेत चार लाख रुपयांची गुंतवणूक केली तर तुम्हाला मॅच्युरिटीवर म्हणजे 271 दिवसांचा काळ पूर्ण झाल्यानंतर सहा टक्के व्याजदराने चार लाख 18 हजार 83 रुपये मिळणार आहेत.
जर समजा या कालावधीच्या एफडी योजनेत सीनियर सिटीजन ग्राहकांनी 4 लाख रुपयांची गुंतवणूक केली तर त्यांना 6.50% व्याजदराने चार लाख 19 हजार 614 मिळणार आहेत.
म्हणजे सामान्य ग्राहकांना चार लाखाच्या गुंतवणुकीतुन 18 हजार 83 रुपयांचे व्याज मिळणार आहे तर ज्येष्ठ नागरिक ग्राहकांना 19,614 रुपयांचे व्याज मिळणार आहे.
