Maharashtra Banking News : आरबीआयने गेल्या बारा महिन्यांच्या काळात म्हणजेच जुलै 2024 ते जुलै 2025 या काळात देशातील एकूण बारा बँकांचा परवाना रद्द केला असल्याची माहिती समोर आली आहे. महत्त्वाची बाब अशी की 2025 मधील सुरुवातीच्या सात महिन्यांमध्ये आरबीआयने देशातील पाच बँकांचा परवाना रद्द केला असून यातील दोन बँका आपल्या महाराष्ट्रातीलच आहेत.
गेल्या काही महिन्यांपासून आरबीआयकडून देशभरातील बँकांवर कारवाई केली जात आहे. आरबीआयने घालून दिलेल्या नियमांचे उल्लंघन करणाऱ्या सहकारी, सरकारी तसेच खाजगी बँकांवर आरबीआयकडून दंडात्मक कारवाई केली जाते.
यासोबतच काही बँकांवर आरबीआयकडून कठोर निर्बंध सुद्धा लादले जातात. एवढेच नाही तर बँकेची आर्थिक स्थिती पाहून बँकांचे लायसन्स रद्द करण्याचा निर्णय सुद्धा आरबीआय घेऊ शकते. दरम्यान याच आपल्या अधिकाराचा वापर करून गेल्या सात महिन्यांच्या काळात आरबीआयकडून देशातील 5 बड्या बँकांचे लायसन्स रद्द करण्यात आले आहे.
अशा स्थितीत आता आपण गत सहा-सात महिन्यांमध्ये आरबीआयने देशातील कोणत्या पाच बँकांचे लायसन्स रद्द केले आहे आणि यात महाराष्ट्रातील कोणत्या दोन बँकांचा समावेश आहे याची माहिती जाणून घेऊयात.
2025 मध्ये परवाना रद्द करण्यात आलेल्या बँका
शंकरराव मोहिते पाटील सहकारी बँक : चालू आर्थिक वर्षाच्या म्हणजेच आर्थिक वर्ष 2025 – 26 च्या अगदी सुरुवातीलाच आरबीआयकडून शंकराव मोहिते पाटील सहकारी बँकेचा परवाना रद्द करण्याचा निर्णय घेण्यात आला. ही बँक महाराष्ट्रातील अकलूज येथील आहे.
कलर मर्चंट को-ऑपरेटिव्ह बँक गुजरात : गुजरात राज्यातील अहमदाबाद येथील कलर मर्चंट को-ऑपरेटिव्ह बँक अहमदाबाद या सहकारी बँकेचा 16 एप्रिल 2025 रोजीच्या आरबीआयच्या आदेशाअन्वये परवाना रद्द करण्यात आला.
अंजना अर्बन को-ऑपरेटिव बँक छत्रपती संभाजी नगर : महाराष्ट्रातील छत्रपती संभाजी नगर ( पूर्वीचे औरंगाबाद ) येथील अंजना अर्बन को-ऑपरेटिव बँक छत्रपती संभाजीनगर या सहकारी बँकेचा परवाना देखील आरबीआयकडून रद्द करण्यात आला. 22 एप्रिल 2025 रोजी आरबीआयने एक आदेश जारी करत या सहकारी बँकेचा परवाना रद्द केला.
इंपीरियल अर्बन को ऑपरेटिव्ह बँक जालंधर : पंजाब राज्यातील इम्पिरियल अर्बन को-ऑपरेटिव बँक जालंदर या सहकारी बँकेचा परवाना 25 एप्रिल 2025 रोजीच्या आदेशाने रद्द करण्यात आला.
कारवार अर्बन को ऑपरेटिव्ह बँक कारवार : कर्नाटक मधील कारवार अर्बन को-ऑपरेटिव बँक या सहकारी बँकेचा परवाना या जुलै महिन्यात रद्द झाला. 22 जुलै 2025 रोजीच्या आदेशाने या बँकेचे लायसन रद्द करण्यात आले.
