कधी कधी आपल्या आयुष्यात अशी एक वेळ येते जेव्हा वाटतं की आपण कितीही मेहनत केली तरी आर्थिक अडचणी काही केल्या संपत नाहीत. अनेक उपाय केले जातात. नवस बोलले जातात, वास्तुशांती केली जाते, पण तरीही घरात पैसा टिकत नाही. अशा वेळी आपल्याला पूर्वजांनी सांगितलेले काही सोपे उपाय आठवतात, जे आजही अनेक घरांमध्ये श्रद्धेने आणि अनुभवाने पाळले जातात. यापैकीच एक उपाय म्हणजे रात्री झोपताना उशीखाली लसूण ठेवणे.
लसूण फक्त स्वयंपाकघरातील एक मसाला नसून , पारंपरिक उपचारांमध्येही त्याचं खास स्थान आहे. आपल्या आज्या-आजोबांनी सांगितलेले अनेक घरगुती उपाय लसणाशी निगडित असतात. पण उशीखाली लसूण ठेवायचा सल्ला ऐकला की अनेकांना आश्चर्य वाटतं. खरंच याचा काही उपयोग होतो का, असा प्रश्न पडतो. मात्र, या मागचं कारण फक्त अंधश्रद्धा नाही, तर यामध्ये काही नैसर्गिक वैज्ञानिक स्पष्टीकरणंही आहेत.
उशीखाली ठेवा लसूण
लसणामध्ये असलेल्या विशिष्ट वासामुळे वातावरणात एक वेगळाच बदल जाणवतो. तो वास काहींना त्रासदायक वाटू शकतो, पण अनेकांना यामुळे मनशांती मिळते आणि शरीर थकव्याने भरलेलं असेल, तरीही त्याला विश्रांती मिळते. झोपताना मन शांत ठेवणं फार महत्त्वाचं असतं, कारण आपल्या संपूर्ण शरीराची ऊर्जा त्या झोपेवरच अवलंबून असते. अशावेळी लसणाचा वास मनाला स्थिरता देतो, आणि त्यामुळे गाढ झोप लागते.
आयुर्वेद आणि आधुनिक संशोधनानुसार लसूण ही अँटीबॅक्टेरियल आणि अँटीव्हायरल गुणधर्मांनी भरलेली आहे. त्यामुळे शरीराची प्रतिकारशक्ती वाढते. आजच्या काळात, जेव्हा संसर्गजन्य रोग पसरत आहेत, तेव्हा अशा नैसर्गिक उपायांकडे वळणं अधिक शहाणपणाचं ठरतं. लसूण उशीखाली ठेवल्याने फक्त झोपच सुधारत नाही, तर शरीरातील ताणतणावही कमी होतो, आणि यामुळं मन शांत राहतं.
पैशांच्या अडचणी दूर होतील
पैशांच्या बाबतीत बोलायचं झालं, तर आपल्या मनातील चिंता, अस्थिरता आणि भीती या गोष्टी अनेकदा आर्थिक अडचणी आणतात. जेव्हा मन शांत असतं, झोप पूर्ण असते, आणि विचारसरणी स्थिर असते, तेव्हा आपण चांगले निर्णय घेतो आणि योग्य दिशा निवडतो. कदाचित यामुळेच घरात पैसा थांबतो, आणि आर्थिक स्थैर्य मिळतं, असं मानलं जातं.
