Tata Motors Share Price:- आज 1 ऑगस्ट 2025 रोजी शेअर मार्केट जेव्हा ओपन झाले तेव्हा बीएसई सेन्सेक्स 81074.41 ने ओपन झाले व आजचा जर आपण उच्चांक बघितला तर तो 81,317.51 इतका राहिला व आजची सेन्सेक्सची आतापर्यंतची नीचांकी पातळी 80,774.54 इतकी राहिली. सध्याची जर आकडेवारी बघितली तर यामध्ये तब्बल 325.80 अंकांची घसरण झालेली असून सेन्सेक्स 87,859.78 वर आहे. म्हणजेच यामध्ये 0.40% घसरण दिसून येत आहे.
तसेच निफ्टी 50 या महत्त्वाच्या निर्देशांकामध्ये देखील आतापर्यंत -0.48% इतकी घसरण झालेली आहे व निफ्टी बँक या निर्देशांकात देखील 0.30% घसरण झाली असून या घसरणीसह हा निर्देशांक 55794.65 वर पोहोचला आहे. हीच गत इतर महत्त्वाचे निर्देशांक जसे की निफ्टी मिड कॅप सिलेक्ट, निफ्टी नेक्स्ट 50, निफ्टी मिडकॅप 100 सारख्या इतर इंडेक्समध्ये देखील दिसून येत आहे. या सगळ्या घसरणीच्या वातावरणाचा फटका हा टाटा मोटर्सच्या शेअरला देखील बसल्याचे चित्र आहे. टाटा मोटर्सचे शेअरच्या किंमतींमध्ये -2.19% ची घसरण झालेली आहे.
टाटा मोटर्स शेअरची सध्याची किंमत किती?
काल 31 जुलै 2025 रोजी जेव्हा मार्केट बंद झाले तेव्हा टाटा मोटर्सच्या शेअरची अंतिम किंमत ही 666 रुपये होती व जेव्हा आज मार्केट ओपन झाले तेव्हा या शेअरची किंमत 668 रुपये होती. या शेअरची आजची कमीत कमी किंमत 650 रुपये राहिली तर आतापर्यंतचा उच्चांक हा 668 इतका राहिला. परंतु सध्या टाटा मोटर्स शेअर 651.35 रूपांवर ट्रेड करत असून त्यामध्ये 14.6 अंकांची घसरण झालेली आहे. तसेच 52 आठवड्यातील एकूण कामगिरी बघितली तर या शेअरची उचांकी पातळी 1176 राहिली तर 52 आठवड्यातील नीचांकी पातळी 536 इतकी राहिली. सध्या टाटा मोटर्सचे मार्केट कॅप 239,808 रुपये इतके आहे.
टाटा मोटर्स शेअर्सने गुंतवणूकदारांना आतापर्यंत दिलेला परतावा
जा गुंतवणूकदारांनी या शेअर्समध्ये एक आणि सहा महिन्याकरिता गुंतवणूक केली असेल त्यांना मात्र नुकसान झाल्याचे दिसून येते. एक वर्षाच्या गुंतवणुकीवर गुंतवणूकदारांना -43.69% परतावा मिळाला आहे तर सहा महिने गुंतवणुकीवर -9.04% परतावा मिळालेला आहे. तसेच तीन महिन्याच्या गुंतवणुकीवर देखील गुंतवणूकदारांना अल्पसा म्हणजेच फक्त +1.1% इतका परतावा मिळालेला असून एक महिन्याच्या गुंतवणुकीवर देखील नुकसानच झाले असून गुंतवणूकदारांना -5.33% परतावा मिळालेला आहे.
कुणाकडे किती आहेत टाटा मोटर्सचे शेअर्स?
जर आपण टाटा मोटर्स ह्या कंपनीची शेअर होल्डिंग बघितली तर प्रमोटर्सकडे 42.57% शेअर्स आहेत. त्यासोबतच म्युच्युअल फंड 10.18%, इन्शुरन्स कंपनी 6.21%, विदेशी गुंतवणूकदारांकडे 17.17%, वैयक्तिक गुंतवणूकदारांकडे 20.57% आणि इतर 3.27% शेअर होल्डिंग आहे.
