Suzlon Energy Share Price:- काल 12 ऑगस्ट 2025 वार मंगळवारी शेअर मार्केटमध्ये घसरण पाहायला मिळाली होती.परंतु त्यामधून सावरत आज 13 ऑगस्ट 2024 वार बुधवारी मार्केटने परत जोरदार कमबॅक केल्याचे दिसून येत आहे.आज बीएसई सेन्सेक्स 163.02 अंकांनी सध्या वधारल्याचे दिसून येत असून 80398.62 वर व्यवहार करत आहे व त्यासोबतच निफ्टी 50 देखील 76 अंकांनी वधारला असून 24563.30 वर व्यवहार करत आहे. त्यासोबतच महत्त्वाचे असलेले निफ्टी बँक या निर्देशांकामध्ये देखील 9.35 अंकांची वाढ झाली आहे व सध्या 55053.10 वर व्यवहार करत आहे. तर निफ्टी आयटीमध्ये मात्र 92.85 अंकांची घसरण दिसून येत आहे व सध्या 34580.65 वर व्यवहार करताना दिसून येत आहे. परंतु यातच सुझलॉन एनर्जीच्या शेअरची ओपनिंग सकाळी 63 रुपये या किमतीने झाली व त्यानंतर मात्र त्यात घसरण होऊन सध्या हा शेअर 60.57 रुपयांवर ट्रेड करत आहे.
सुझलॉन एनर्जीच्या शेअरची आजची स्थिती
आज जेव्हा मार्केटची ओपनिंग झाली तेव्हा सुझलॉन एनर्जीच्या शेअरची ओपनिंग प्राईस 63 रुपये होती. परंतु नंतर त्यामध्ये थोडीशी घसरण दिसून येत असून सध्या हा शेअर 60.57 रुपयांवर ट्रेड करत आहे. तसेच आतापर्यंतचा आजचा उच्चांक 64 आणि नीचांकी पातळी देखील 60 रुपये आहे. 52 आठवड्यांचा उच्चांक बघितला तर तो 86 रुपये इतका असून 52 आठवड्यांची नीचांकी पातळी 46 रुपये इतकी आहे.
सुझलॉन एनर्जीच्या शेअरने गुंतवणूकदारांना दिलेला परतावा
आतापर्यंत सुझलॉन एनर्जीच्या शेअरने गुंतवणूकदारांना दिलेला परतावा बघितला तर एक वर्ष कालावधीकरिता केलेल्या गुंतवणुकीवर -24.49%, सहा महिने कालावधी करिता +15.8%, तीन महिन्याच्या गुंतवणुकीवर +6.55% आणि एक महिन्याच्या गुंतवणुकीवर -7.95% इतका परतावा दिलेला आहे.
