Agriculture Scheme : केंद्र आणि राज्य शासनाच्या माध्यमातून शेतकऱ्यांसाठी सातत्याने वेगवेगळ्या योजना राबवल्या जातात. पी एम किसान सन्मान निधी योजना ही देखील केंद्राची अशीच एक महत्त्वाकांक्षी योजना. याची सुरुवात 2019 मध्ये झाली आहे आणि या अंतर्गत पात्र ठरणाऱ्या शेतकऱ्यांना दरवर्षी सहा हजार रुपयांचा आर्थिक लाभ दिला जातोय.
हा लाभ दोन हजार रुपयांचा एक हप्ता या पद्धतीने शेतकऱ्यांच्या खात्यात वर्ग होतो. म्हणजे एका वर्षात पात्र शेतकऱ्यांच्या खात्यात दोन हजार रुपयांचे तीन हप्ते जमा होतात. आतापर्यंत या योजनेच्या पात्र शेतकऱ्यांना 20 हप्ते देण्यात आले आहेत.
विसावा हफ्ता ऑगस्ट महिन्यात शेतकऱ्यांच्या खात्यात वर्ग करण्यात आला आहे. दोन ऑगस्ट रोजी देशाचे पंतप्रधान नरेंद्र मोदी यांच्या हस्ते पात्र ठरणाऱ्या शेतकऱ्यांना या योजनेचा लाभ मिळाला होता. आता शेतकरी बांधव या योजनेच्या पुढील हप्त्याच्या आतुरतेने वाट पाहत आहेत.
विशेष बाब म्हणजे या योजनेचा 21 वा हप्ता देशातील काही राज्यांमधील शेतकऱ्यांच्या खात्यात अधिक जमा करण्यात आला आहे. देशातील एकूण चार राज्यातील शेतकऱ्यांना या योजनेचा 21 वा हप्ता देण्यात आला आहे. पंजाब, उत्तराखंड आणि हिमाचल प्रदेश या राज्यांमधील शेतकऱ्यांना सुरुवातीला या योजनेचा 21 वा हप्ता मिळाला.
नंतर मग जम्मू काश्मीरमधील शेतकऱ्यांना या योजनेचा हप्ता देण्यात आला. दरम्यान आता उर्वरित राज्यांमधील शेतकऱ्यांना देखील याचा लवकरच लाभ देण्यात येणार असल्याची माहिती समोर येत आहे. खरे तर या राज्यांमधील शेतकऱ्यांना पूरस्थितीमुळे लवकर लाभ देण्यात आला आहे.
परंतु तशीच पूरस्थिती महाराष्ट्रातही होती आणि यामुळे राज्यातील शेतकऱ्यांना देखील याचा लाभ लवकरच मिळायला हवा होता अशी मागणी राज्यातील शेतकऱ्यांकडून केली जात होती. दरम्यान आता पीएम किसान च्या 21 व्या हप्त्याबाबत नवीन अपडेट हाती आली आहे.
केंद्र सरकार दिवाळीच्या आधी अर्थातच 20 ऑक्टोबर च्या पूर्वी देशभरातील सर्वच शेतकऱ्यांना या योजनेचा 21 वा हप्ता देणार असा दावा केला जात आहे. अद्याप केंद्र शासनाच्या माध्यमातून तसेच कृषी मंत्र्यांकडून याबाबत कोणतीच अधिकृत माहिती मिळालेली नाही पण लवकरच हा हप्ता शेतकऱ्यांना दिला जाईल अशी शक्यता आहे.
