Post Office Scheme : तुम्हालाही सुरक्षित ठिकाणी गुंतवणूक करायची आहे का मग तुमच्यासाठी पोस्टाच्या बचत योजना फायद्याच्या ठरणार आहेत. बँकांच्या एफडी योजनांमधून अपेक्षित परतावा मिळत नसेल आणि तुम्हाला पोस्टाच्या सुरक्षित बचत योजनांमध्ये गुंतवणूक करायची असेल तर तुमच्यासाठी सीनियर सिटीजन सेविंग स्कीम एक फायद्याचा पर्याय ठरणार आहे.
पोस्ट ऑफिस ची सीनियर सिटीजन सेविंग स्कीम गुंतवणूकदारांना निश्चित आणि दमदार परतावा देते. पोस्ट ऑफिस सीनियर सिटीजन सेविंग स्कीम मध्ये गुंतवणूक करून गुंतवणूकदारांना दरमहा वीस हजार पाचशे रुपयांपर्यंत व्याज मिळवता येतं.
पण ही योजना फक्त सीनियर सिटीजन ग्राहकांसाठी आहे. दरम्यान आता आपण या योजनेत नेमकी कोणाला गुंतवणूक करता येते तसेच या योजनेतून वार्षिक 2.46 लाख रुपयांची कमाई कशी शक्य आहे याचे संपूर्ण कॅल्क्युलेशन समजून घेण्याचा प्रयत्न या लेखातून करणार आहोत.
योजनेत कोणाला गुंतवणूक करता येते?
60 वर्षांपेक्षा अधिक वय असणाऱ्या नागरिकांना या योजनेत गुंतवणूक करता येते. तसेच जे लोक वेळेआधी व्ही आर एस म्हणजेच स्वेच्छा सेवानिवृत्ती घेतात त्यांना सुद्धा यामध्ये गुंतवणूक करता येते.
नागरी क्षेत्रातील सरकारी पदांवरून VRS घेतलेले 55 ते 60 वर्षे वयोगटातील व्यक्ती यामध्ये गुंतवणुकीसाठी पात्र ठरत असतात. तसेच संरक्षण क्षेत्रातील 50 ते 60 वर्षे वयोगटातील व्यक्ती (सेना, हवाई दल, नौदल आणि इतर सुरक्षा दलांमधून निवृत्त) सुद्धा यात गुंतवणूक करण्यास पात्र ठरतात.
कसे मिळणार वार्षिक 2.46 लाखांचे व्याज?
पोस्टाच्या सीनियर सिटीजन सेविंग स्कीम मध्ये गुंतवणूक करणाऱ्या गुंतवणूकदारांना सद्यस्थितीला 8.2% दराने व्याज दिले जात आहे. जे की इतर कोणत्याही बचत योजनांच्या तुलनेत फारच अधिक आहे. त्यामुळे यात गुंतवणूक करून गुंतवणूकदार लखपती बनत आहेत.
जर तुम्हाला ही महिन्याला एक निश्चित रक्कम खर्चासाठी लागत असेल तर तुम्ही नक्कीच या योजनेत गुंतवणूक करून मोठा निधी उभारू शकता. दरमहा कमाईचे साधन म्हणून या योजनेकडे पाहिले जाते. भारतीय आयकर विभागाचा कलम 80 सी अंतर्गत 1.5 लाख रुपयांपर्यंतच्या गुंतवणुकीवर सरकारकडून आयकर लाभ सुद्धा दिला जातो.
या योजनेत सिंगल तसेच जॉइंट अकाउंट ओपन करता येते. ही योजना पाच वर्षांनी परिपक्व होते. समजा एखाद्या गुंतवणूकदाराने या योजनेत तीस लाख रुपयांची इन्व्हेस्टमेंट केली तर पाच वर्षांनी गुंतवणूकदाराला 2.46 लाख रुपयांचे व्याज मिळणार आहे.
अर्थातच पाच वर्षांसाठी तीस लाख रुपयांच्या गुंतवणुकीतून प्रत्येक महिन्याला वीस हजार पाचशे रुपयांचे व्याज मिळणार आहे. विशेष म्हणजे या योजनेत अकाउंट ओपन केल्यानंतर कधीही बंद करता येते. पण अकाउंट ओपन केल्याच्या एक वर्षाच्या आत अकाउंट जर बंद केले तर तुम्हाला व्याज मिळणार नाही.
जर तुम्ही ते 1 वर्ष पूर्ण झाल्यानंतर किंवा 2 वर्षांच्या दरम्यान बंद केले तर व्याजाच्या रकमेतून 1.5 % रक्कम वजा केली जाईल. जर तुम्ही ते 2 ते 5 वर्षांच्या दरम्यान बंद केले तर व्याजाच्या रकमेच्या 1% वजावट केली जाणार आहे.
