Maharashtra Railway News : मराठवाडा अन उत्तर महाराष्ट्रातील रेल्वे प्रवाशांसाठी एक महत्त्वाचे अपडेट आहे. खरे तर मराठवाड्यातून तसेच उत्तर महाराष्ट्रातून बहुसंख्य लोक पिकनिक साठी गोव्याला जातात. उत्तर महाराष्ट्रातील धुळे, नंदुरबार, जळगाव नाशिकमधील अनेकजण गोव्याला पिकनिक साठी जातात.
छत्रपती संभाजीनगर जिल्ह्यातीलही पर्यटकांची सुद्धा गोव्याला पसंती असते. उन्हाळी सुट्ट्यांमध्ये गोव्याला जाणाऱ्यांची संख्या वाढते. गोवा हे एक हॉट फेवरेट टुरिस्ट स्पॉट आहे. दरम्यान छत्रपती संभाजी नगर येथून गोव्याला जाणाऱ्या पर्यटकांसाठी नव्या रेल्वे गाडीची मागणी उपस्थित करण्यात आली आहे.
दोन महिन्यांपूर्वी महाराष्ट्र चंबरचे उपाध्यक्ष संजय सोनावणे यांनी छत्रपती संभाजी नगर ते गोवा व्हाया नाशिक अशी नवीन रेल्वे गाडी सुरू करण्याची मागणी उपस्थित केली. यासाठी त्यांनी जिल्हाधिकारी जलज शर्मा यांच्याकडे निवेदन दिले.
छत्रपती संभाजीनगरमार्गे व्हाया नाशिक गोवा रेल्वेसेवा सुरू करण्याची मागणी उपस्थित झाल्याने सर्वसामान्य प्रवाशांच्या अशा पल्लवीत झाल्या आहेत. सप्टेंबर महिन्यात रेल्वेच्या प्रश्नांविषयी एक महत्त्वपूर्ण बैठक झाली होती.
या झूम बैठकीत सोनवणे यांनी संभाजीनगर – गोवा रेल्वे गाडीची मागणी उपस्थित केली. यासाठी सुनावणी यांनी एक टाईम टेबल देखील सुचवले होते. त्यांनी छत्रपती संभाजीनगर येथून सायंकाळी साडेपाच वाजता वाजता निघणारी रेल्वे रात्री 8 वाजता नाशिक येथे येईल मग तेथून रात्री 10 वाजता पनवेलला पोहोचेल.
तेथून सकाळी साडे सहा वाजता रत्नागिरी येथे आणि मग साडेनऊ वाजेपर्यंत गोवा येथे पोहोचणार असे सांगितले होते. दरम्यान सोनवणे यांच्या या मागणीवर सकारात्मक निर्णय झाल्यास पर्यटकांना मोठा दिलासा मिळणार आहे.
या रेल्वे गाडीमुळे व्यापाराला सुद्धा चालना मिळणार आहे. संभाजीनगर आणि नाशिक जिल्ह्यातील उद्योग, शिक्षण, पर्यटन, कृषी अशा सर्वच क्षेत्रांना या नव्या रेल्वे गाडीचा लाभ होणारा असा विश्वास व्यक्त करण्यात आला आहे.
ही गाडी पर्यटनासाठी मोठी फायद्याची ठरू शकते. या नव्या रेल्वे गाडीमुळे मराठवाड्यातील छत्रपती संभाजीनगर व नाशिक येथील पर्यटक गोव्याला जातील.
तर गोव्यातील पर्यटक नाशिक तसेच संभाजीनगरला येतील असा विश्वासही त्यांच्याकडून व्यक्त करण्यात आला आहे. यामुळे आता या मागणीवर रेल्वे प्रशासनाकडून काही निर्णय होणार का हे पाहणे उत्सुकतेचे ठरणार आहे.
