Maharashtra News : महाराष्ट्रातील वाहनचालकांसाठी फडणवीस सरकारकडून नुकताच एक महत्त्वपूर्ण निर्णय घेण्यात आला आहे. तुमच्याकडेही 2019 पूर्वीचे वाहन असेल तर तुमच्यासाठी ही बातमी खास ठरणार आहे.
जसं की आपणास ठाऊकच आहे की 2019 पूर्वीच्या वाहनांसाठी सरकारकडून आता एचएसआरपी म्हणजेच हाय सेक्युरिटी रजिस्ट्रेशन प्लेट लावणे बंधनकारक करण्यात आले आहे.
ही नंबर प्लेट सर्वोच्च न्यायालयाच्या आदेशानुसार बंधनकारक करण्यात आली आहे. यासाठी 30 नोव्हेंबर 2025 पर्यंत मुदत देण्यात आली होती. मात्र अजूनही राज्यातील लाखो वाहनधारकांनी नवीन हाय सेक्युरिटी रजिस्ट्रेशन प्लेट बसवलेली नाही.
यामुळे आता ही नवीन एचएसआरपी नंबर प्लेट बसवण्यासाठी परिवहन विभागाकडून मुदतवाढ देण्याचा एक महत्त्वाचा निर्णय घेण्यात आला आहे. राज्य परिवहन विभागाने वाहनचालकांसाठी मोठा दिलासा देत ‘उच्च सुरक्षा नोंदणी क्रमांक पाटी’ (HSRP) बसविण्याची अंतिम मुदत पुन्हा एकदा वाढवण्याचा निर्णय घेतलेला आहे.
किती दिवसांची मुदतवाढ मिळाली
वाहनधारक सातत्याने नंबर प्लेट बसवण्यासाठी मुदतवाढ मिळायला हवी अशी मागणी करत होते. यानुसार आता एचएसआरपी नंबर प्लेट बसवण्यासाठी आणखी एका महिन्याची मुदत मिळाली आहे.
2019 पूर्वी नोंदणीकृत सर्व वाहनांना एचएसआरपी लावणे सर्वोच्च न्यायालयाच्या आदेशानुसार बंधनकारक असून आता आता 31 डिसेंबर पर्यंत सर्व वाहन चालकांना ही नंबर प्लेट बसवणे आवश्यक राहणार आहे.
30 नोव्हेंबर ही अंतिम तारीख संपत आल्याने नागरिकांकडून मोठ्या प्रमाणावर मुदतवाढीची मागणी होऊ लागली होती. त्यानुसार राज्य परिवहन विभागाने मुदतवाढ जाहीर करत आता 31 डिसेंबर 2025 ही अंतिम तारीख निश्चित केली आहे.
परिवहन विभागाच्या आयुक्तांकडून स्वतः ही माहिती देण्यात आली आहे. दरम्यान परिवहन विभागाने घेतलेल्या या निर्णयामुळे सर्वसामान्य वाहनचालकांना दिलासा मिळणार अशी आशा व्यक्त करण्यात आली आहे.
दरम्यान परिवहन आयुक्तांनी ही मुदतवाढ म्हणजेच 31 डिसेंबरची मुदत अंतिम असून, यानंतर एचएसआरपी नसलेल्या वाहनांवर वायुवेग पथकाकडून कठोर कारवाई केली जाणार असा इशारा देण्यात आला आहे.
परिवहन विभागाच्या निर्णयानुसार पुण्यातील 25 लाखाहून अधिक वाहनांना एचएसआरपी नंबर प्लेट बसवावी लागणार आहे. मात्र आत्तापर्यंत पुण्यातील फक्त साडेसात लाख वाहनांवर ही प्लेट बसवण्यात आली आहे.
यामुळे ज्या लोकांनी अजून ही एचएसआरपी प्लेट बसवलेली नसेल त्यांनी लवकरात लवकर ही प्लेट बसून घ्यावी असे आवाहन करण्यात आले आहे.
