Maharashtra New Expressway : देशाला लवकरच एका नव्या महामार्गाची भेट मिळणार असून या नव्या प्रकल्पामुळे 24 तासांचा प्रवास 12 तासात पूर्ण होणार आहे. हा महामार्ग देशातील सर्वात महत्वाकांक्षी रस्ते प्रकल्पांपैकी एक आहे. हा महामार्ग दिल्ली आणि मुंबई या दोन महत्त्वाच्या महानगरांना जोडणार आहे.
सध्या स्थितीला या महामार्गाचे बहुतांशी काम पूर्ण झाले असून प्रकल्पाचे काम जवळपास अंतिम टप्प्यात पोहोचले आहे. दिल्ली–मुंबई एक्सप्रेसवे हा जवळपास पूर्णत्वाच्या उंबरठ्यावर आहे.
अशातच आता केंद्रीय रस्ते वाहतूक मंत्री नितीन गडकरी यांनी या प्रकल्पाबाबत महत्वपूर्ण माहिती दिली आहे. ह्या ताज्या माहितीनुसार, प्रकल्पातील बहुतेक कामे पूर्ण झाली असून उरलेली किरकोळ कामे जलद गतीने पूर्ण केली जात आहेत.
हा प्रकल्प मुंबई आणि दिल्ली दरम्यानचा प्रवास सुपरफास्ट बनवणार आहे. हा मार्ग पूर्ण झाल्यानंतर दिल्ली ते मुंबई हा 24 तासांचा प्रवास निम्म्यावर येणार आहे म्हणजेच फक्त 12 तासांमध्ये या दोन्ही महानगरांमधील प्रवास पूर्ण होणार आहे.
या प्रकल्पामुळे देशातील दोन प्रमुख शहरांमधील संपर्क सुधारणार आहे. अशा परिस्थितीत आता आपण हा महामार्ग प्रकल्प नेमका कधीपर्यंत पूर्ण होणार याची माहिती जाणून घेणार आहोत.
कसा असणार प्रकल्प?
दिल्ली – मुंबई एक्सप्रेस वे 1359 किलोमीटर लांबीचा आहे. हा एक्सप्रेसवे आठ लेनचा देशातील सर्वाधिक लांबीचा महामार्ग प्रकल्प आहे. या महामार्गाच्या निर्मितीसाठी अत्याधुनिक तंत्रज्ञानाचा वापर केला जात आहे.
या मार्गाच्या दोन्ही बाजूंना मोठ्या प्रमाणात वृक्षारोपण केले जात आहे. प्रकल्पात अनेक आधुनिक सुविधा, रेस्ट एरिया, देखभाल केंद्रे आणि प्रवाशांसाठी विशेष सुरक्षितता उपाय विकसित केली जाणार आहेत.
दरम्यान हा प्रकल्प आता लवकरच पूर्ण होणार आहे, या प्रकल्पातील सर्वात महत्वाचा टप्पा म्हणजे वडोदरा ते मुंबई हा 379 किलोमीटरचा भाग अंतिम टप्प्यात पोहोचला आहे. दरम्यान हा महत्त्वाचा टप्पा पुढील वर्षाअखेर पूर्ण होण्याची अपेक्षा आहे.
महत्त्वाची बाब म्हणजे हा टप्पा पूर्ण झाल्यानंतर दिल्ली ते मुंबई हा प्रवास वेगवान होणार आहे. या महामार्गाबाबत बोलायचं झालं तर हा मार्ग उत्तर प्रदेश, राजस्थान, मध्य प्रदेश, गुजरात आणि महाराष्ट्र या राज्यांमधून जातो.
हा प्रकल्प या संबंधित राज्यांमधील कृषी शिक्षण उद्योग पर्यटनाच्या वेगवेगळ्या क्षेत्रांना चालना देणारा ठरणार आहे. विशेष बाब म्हणजे प्रकल्प पूर्ण झाल्यानंतर या मार्गावर इलेक्ट्रिक बस, इलेक्ट्रिक ट्रक यांसारख्या भविष्यातील वाहतूक साधनांसाठी आवश्यक सोयीसुविधा सुद्धा या मार्गांवर उपलब्ध करून दिल्या जाणार आहेत.
या मार्गाचा व्यवसाय, पर्यटन आणि लॉजिस्टिक्स क्षेत्राला मोठा फायदा होणार आहे. या महामार्गामुळे मालवाहतुकीला सर्वाधिक फायदा होऊ शकतो. खरे तर या प्रकल्पाचे काम 2019 मध्ये सुरू झाले होते.
म्हणजेच सहा वर्षांमध्ये या प्रकल्पाचे बहुतांशी काम पूर्ण झाले आहे आणि पुढील एका वर्षाच्या काळात हा संपूर्ण मार्ग बांधून तयार होणार आहे. दिल्ली मुंबई एक्सप्रेस वे प्रकल्प केंद्रीय मंत्री नितीन गडकरी यांचा एक ड्रीम प्रोजेक्ट म्हणून पाहिला जातोय. त्यामुळे या प्रकल्पाचे काम जलद गतीने पूर्ण झाले आहे.
