8th Pay Commission : सध्या संपूर्ण देशभर आठव्या वेतन आयोगाची जोरदार चर्चा सुरू आहे. तीन नोव्हेंबर 2025 रोजी केंद्रातील सरकारने आठव्या वेतन आयोगाच्या टर्म्स ऑफ रेफरन्सला मंजुरी दिली आहे. खरंतर आठव्या वेतन आयोगाची घोषणा जानेवारी महिन्यातच झाली होती मात्र प्रत्यक्षात याची अधिकृत अधिसूचना जारी होत नव्हती.
पण आता शासनाने आठव्या वेतन आयोगाच्या समितीची स्थापना केली असून याच्या टर्म्स ऑफ रेफरन्सला नुकतीच मंजुरी देण्यात आली आहे. आठव्या वेतन आयोगामुळे केंद्रीय सरकारी कर्मचाऱ्यांच्या पगारात तसेच पेन्शन धारकांच्या पेन्शनमध्ये मोठी वाढ होणार आहे.
आठवा वेतन आयोग सरकारी कर्मचाऱ्यांसाठी अनेक आर्थिक फायदे घेऊन येणार आहे. नव्या आयोगाच्या अंमलबजावणीमुळे कर्मचाऱ्यांचा पगार तसेच वेगवेगळे भत्ते वाढणार आहेत.
सध्याचा सातवा वेतन आयोग जानेवारी 2016 पासून लागू आहे आणि प्रत्येक दहा वर्षांनी नवा वेतन आयोग लागू आला असल्याने एक जानेवारी 2026 पासून नवीन आठवा वेतन आयोग लागू होणार आहे.
मात्र असे असले तरी आठव्या वेतन आयोगाच्या प्रत्यक्षात अंमलबजावणीला थोडासा उशीर होणार आहे. परंतु आठवा वेतन आयोग हा जानेवारी 2026 पासूनच लागू होईल आणि कर्मचाऱ्यांना त्याची थकबाकी दिली जाणार आहे.
दरम्यान आठव्या वेतन आयोगाबाबत आता एक महत्त्वाचे अपडेट समोर आले आहे. आठव्या वेतन आयोगाचा फक्त सरकारी कर्मचाऱ्यांनाच नाही तर भारतीय शेअर मार्केटला सुद्धा फायदा होणार आहे.
जे पी मॉर्गनचा या संदर्भातील एक अहवाल नुकताच समोर आला आहे. सदर अहवालानुसार नव्या वेतन आयोगामुळे वाढणारा उपभोग (कंझम्प्शन) कंपन्यांच्या कमाईला चालना देणार असून त्यामुळे शेअर बाजारात तेजी दिसू शकते.
आठव्या वेतन आयोगामुळे कर्मचाऱ्यांचा पगार वाढणार आहे आणि पगारात वाढ झाल्यानंतर खर्च पण वाढणार आहे. आता याचा थेट फायदा अर्थव्यवस्थेला होणार आहे. यामुळे कंपन्यांच्या उत्पन्नाला फायदा मिळणार आहे.
कंपन्यांची कमाई वाढली की परदेशी गुंतवणूकदारांचे आकर्षण परत वाढणार आहे. सध्या भारतीय शेअर मार्केट मधील परदेशी गुंतवणूकदारांनी गेल्या वर्षभरात मोठ्या प्रमाणावर विक्री केली आहे, कारण अनेक भारतीय कंपन्यांची कमाईतील वाढ मंदावलेली होती.
मात्र नवीन वेतन आयोग लागू झाल्यानंतर शेअर मार्केटमध्ये पण तेजी येण्याची शक्यता वर्तवण्यात आली आहे. विशेष म्हणजे सहाव्या वेतन आयोग वेळी देखील असेच झाले होते. 2008 मध्ये सहाव्या वेतन आयोगाची अंमलबजावणी सुरू झाली होती.
त्यावेळी केंद्रीय कर्मचाऱ्यांचा पगार तब्बल 40% वाढला होता. तसेच थकबाकीचा ही लाभ मिळाला होता. यामुळे खर्चाचे प्रमाण वाढले आणि याचा शेअर मार्केटला सुद्धा फायदा झाला.
त्यावेळी कार, घर आणि इतर वस्तूंच्या विक्रीत मोठी वाढ झाली होती. पण सध्याच्या सातव्या आयोगात पगारात अवघी 25 टक्क्यांची वाढ झाली. यामुळे सातव्या वेतन आयोगाचा शेअर मार्केटला पाहिजे तसा फायदा झाला नाही.
परंतु नव्या आठव्या वेतन आयोगाचा भारतीय शेअर मार्केटला फायदा होण्याची दाट शक्यता आहे. नवीन आठव्या वेतन आयोगात सरकारी कर्मचाऱ्यांचा पगार पुन्हा एकदा सहाव्या वेतन आयोगाप्रमाणेचं वाढेल आणि शेअर मार्केटमध्ये पण तेजी येईल अशी आशा आहे.
केंद्रीय सरकारी कर्मचाऱ्यांची आणि पेन्शन धारकांची संख्या ही जवळपास एक कोटींच्या घरात आहे आणि सहाजिकच एवढ्या मोठ्या लोकांना आठव्या वेतन आयोगाचा फायदा होणार असल्याने याचा शेअर मार्केटवर प्रभाव पडणारच आहे.
