New Railway Station : तुम्ही पण रेल्वेने प्रवास करता ? मग तुम्हाला रेल्वे प्रवासादरम्यान रेल्वे स्थानकावर उतरल्यानंतर तिथून पुढे बस किंवा मेट्रोसाठी किती मेहनत घ्यावी लागते हे चांगलंच ठाऊक असेल. पण आता भारतात असं एक रेल्वे स्थानक तयार होत आहे जिथे प्रवाशांना बस आणि मेट्रोची सुद्धा कनेक्टिव्हिटी मिळणार आहे.
हो अगदी बरोबर ऐकताय तुम्ही देशात असे एक रेल्वे स्थानक विकसित होतंय जे की तब्बल 16 मजली उंच राहणार आहे आणि महत्त्वाची बाब म्हणजे हे स्थानक लंडन, पॅरिसला सुद्धा टक्कर देणार आहे. या भारतात विकसित होणाऱ्या आधुनिक रेल्वे स्थानकात सर्व प्रकारच्या वर्ल्डक्लास सोयी-सुविधा उपलब्ध करून दिल्या जाणार आहेत.
तुम्ही जर सतत रेल्वेने प्रवास करत असाल देशभर रेल्वेने भ्रमण करत असाल तर तुम्ही एक गोष्ट नोटीस केली असेल की भारतात जेवढी पण स्थानक आहेत त्यांची उंची साधारणतः एक मजली किंवा दोन मजली इतकी आहे.
मात्र, आता देशात 16 मजली उंच रेल्वे स्थानक विकसित होणार आहे आणि हो… हे रेल्वेस्थानक आपल्या शेजारील राज्य गुजरात मध्ये विकसित होतय. सध्या या स्थानकाचे काम अगदीच युद्ध पातळीवर सुरू असून येत्या दोन वर्षात हे स्थानक प्रवाशांसाठी खुले होणार असल्याची माहिती प्रशासनाकडून समोर आली आहे.
या रेल्वे स्टेशनमध्ये 16 मजली प्लॅटफॉर्म असतील आणि हे स्टेशन 2027 पर्यंत पूर्ण होईल असा एक अंदाज समोर येतोय. दरम्यान आता आपण गुजरात राज्यात विकसित होणार हे भारतातील सर्वाधिक उंच रेल्वे स्टेशन नेमक कुठे बांधलं जात आहे याबाबत माहिती पाहूयात.
कुठं तयार होतंय देशातील सर्वात उंच स्थानक
देशातील सर्वात उंच स्थानक अहमदाबाद मध्ये बांधलं जात आहे. विस्तृत पार्किंग जागा, ऑफिस कॉम्प्लेक्स, व्यावसायिक क्षेत्रे आणि प्रवाशांसाठी अत्याधुनिक सुविधांचा यात समावेश राहणार आहे.
हे देशातील एकमात्र असं रेल्वे स्थानक असेल ज्यात प्रवाशांना सर्व प्रकारची कनेक्टिव्हिटी उपलब्ध होणार आहे. रेल्वे, मेट्रो, बस सेवा आणि बुलेट ट्रेन सेवा एकाच ठिकाणी एकत्रित करण्यासाठी हे स्टेशन डिझाइन करण्यात आलं आहे.
म्हणजे जेव्हा हे स्थानक पूर्णपणे तयार होईल तेव्हा प्रवाशांना एकाच प्लॅटफॉर्मवर सर्व कनेक्टिव्हिटीचा आनंद घेता येईल, ज्यामुळे प्रवास अत्यंत सोयीस्कर होईल. यामुळे उद्योग, शिक्षण, पर्यटन अशा वेगवेगळ्या क्षेत्रांना फायदा होणार आहे. अहमदाबादमधून ये-जा करणाऱ्या प्रवाशांसाठी हे स्थानक फारच उपयोगाचे ठरणार आहे.
