Post Office Scheme : प्रत्येकाला वाटतं की आपल्याकडील पैसा वाढला पाहिजे. यासाठी अनेक जण शेअर मार्केट आणि म्युच्युअल फंड मध्ये गुंतवणूक करतात.
इथे गुंतवणूकदारांना चांगले रिटर्न सुद्धा मिळतात. परंतु जेवढे रिटर्न आहेत तेवढेच येथे रिस्क सुद्धा आहे. त्यामुळे काही लोक सुरक्षित गुंतवणुकीसाठी पोस्टाच्या बचत योजनांमध्ये गुंतवणूक करण्याला प्राधान्य देतात.
तुम्ही पण त्यातलेच एक असाल तर आजची बातमी तुमच्या कामाची राहणार आहे. सरकारची हमी, निश्चित रिटर्न आणि रिस्क फ्री गुंतवणुकीसाठी पोस्टाच्या बचत योजना फायद्याच्या ठरतात.
पण पोस्टाच्या नेमक्या कोणत्या बचत योजनांमध्ये गुंतवणूक केली तर पैसे दुप्पट होतात असा अनेकांचा सवाल असतो. अशा स्थितीत आज आपण गुंतवणूकदारांसाठी एक कामाची माहिती घेऊन आलो आहोत.
आज आपण पोस्टाच्या अशा पाच बचत योजनांची माहिती जाणून घेणार आहोत जिथे गुंतवणूकदारांना बँकांच्या एफडी योजनांपेक्षा अधिक व्याज मिळते.
या पाचही बचत योजनांमध्ये गुंतवणूकदारांना एक रकमे पैसा गुंतवावा लागतो आणि त्यांना एक ठराविक कालावधीनंतर चांगला रिटर्न सुद्धा मिळतो.
पोस्टाच्या या सगळ्या योजना खात्रीशीर परतावा देणाऱ्या आहेत आणि येथे गुंतवलेला पैसा वाया जात नाही. या योजनांमध्ये गुंतवणूकदारांना सरकारकडून गॅरंटी मिळत असते.
नॅशनल सेविंग सर्टिफिकेट : राष्ट्रीय बचत प्रमाणपत्र ही पोस्टाची पाच वर्षांची योजना आहे. येथे गुंतवणूक करणाऱ्यांना 7.7 टक्के दराने व्याज मिळते. यामध्ये गुंतवणूकदारांना कर सवलतीचा पण लाभ मिळतो.
किसान विकास पत्र : या योजनेत पाच लाख टाकलेत की थेट दहा लाख रुपये मिळतात. म्हणजेच पाच लाख रुपये निव्वळ व्याज म्हणून मिळतात. या योजनेत गुंतवणूकदारांना 7.5% दराने व्याज दिले जाते. 9 वर्ष आणि सात महिन्यांच्या कालावधीत या योजनेत गुंतवलेले पैसे दुप्पट होतात.
मंथली इनकम स्कीम : या योजनेत कोणताही भारतीय नागरिक पैसे गुंतवू शकतो. ज्यांना प्रत्येक महिन्याला एक निश्चित उत्पन्न हवे असते त्यांच्यासाठी ही योजना फायद्याची ठरणार आहे.
या योजनेत गुंतवणूकदारांना 7.4 टक्के दराने व्याज मिळते. या योजनेत सिंगल आणि जॉइंट अकाउंट ओपन करण्याची सुविधा आहे. सिंगल अकाउंट ओपन केले की नऊ लाख आणि जॉईंट अकाउंट ओपन केले की 15 लाख रुपये गुंतवता येतात.
ज्येष्ठ नागरिक बचत योजना : ही योजना सीनियर सिटीजन ग्राहकांसाठी सुरू करण्यात आली आहे. यामधून गुंतवणूकदारांना 8.2% दराने व्याज दिले जात आहे.
निवृत्तीनंतर किंवा उतार वयात एक फिक्स इन्कम हवी असेल तर ही योजना तुमच्यासाठी फायद्याची राहणार आहे.
सुकन्या समृद्धी योजना : ही योजना खास मुलींसाठी डिझाईन करण्यात आली आहे. या योजनेसाठी सध्या 8.2% व्याजदर लागू आहे.
लॉंग टर्म मध्ये गुंतवणुकीसाठी हा एक फायद्याचा विकल्प ठरतो. पण ही योजना फक्त मुलींसाठी आहे.
