Samsung Galaxy Z Fold 6 : फोल्डेबल स्मार्टफोन खरेदी करण्याचा विचार करत असाल, तर सध्या सॅमसंगने ग्राहकांसाठी मोठी ऑफर आणली आहे. सॅमसंगचा प्रीमियम फोल्डेबल फोन Galaxy Z Fold 6 सध्या मोठ्या सवलतीसह उपलब्ध झाला असून, तब्बल 55,000 रुपयांपर्यंतची थेट सूट दिली जात आहे. एवढेच नाही तर बँक ऑफर्स आणि एक्सचेंज डील्समुळे हा फोन आणखी स्वस्तात खरेदी करण्याची संधी ग्राहकांना मिळत आहे.
सॅमसंग गॅलेक्सी Z फोल्ड 6 भारतात 1,64,999 रुपयांच्या सुरुवातीच्या किमतीत लाँच करण्यात आला होता. मात्र सध्या हा फोन Amazon वर केवळ 1,09,999 रुपयांना उपलब्ध आहे. म्हणजेच मूळ किमतीच्या तुलनेत तब्बल 55 हजार रुपयांची बचत करता येणार आहे. प्रीमियम सेगमेंटमधील फोल्डेबल फोनसाठी ही ऑफर अत्यंत आकर्षक मानली जात आहे.
स्पेसिफिकेशन्सबद्दल बोलायचे झाले तर, Galaxy Z Fold 6 मध्ये क्वालकॉमचा दमदार Snapdragon 8 Gen 3 प्रोसेसर देण्यात आला आहे. हा प्रोसेसर वेगवान परफॉर्मन्स आणि मल्टिटास्किंगसाठी ओळखला जातो.
फोनमध्ये 7.6-इंचाचा इनर डिस्प्ले आणि 6.3-इंचाचा आउटर डिस्प्ले देण्यात आला आहे. दोन्ही डिस्प्ले Dynamic AMOLED 2X पॅनेल असून, ते 120Hz रिफ्रेश रेटला सपोर्ट करतात. त्यामुळे गेमिंग, व्हिडीओ स्ट्रीमिंग आणि कामाचा अनुभव अधिक स्मूथ होतो.
फोनमध्ये 4,400mAh बॅटरी देण्यात आली असून, ती 25W फास्ट चार्जिंग सपोर्टसह येते. दैनंदिन वापरासाठी ही बॅटरी पुरेशी ठरते.
कॅमेरा विभागातही हा फोन दमदार आहे. Galaxy Z Fold 6 मध्ये 50MP प्रायमरी कॅमेरा (OIS सपोर्टसह), 12MP अल्ट्रावाइड लेन्स आणि 10MP टेलिफोटो लेन्स असा ट्रिपल रियर कॅमेरा सेटअप देण्यात आला आहे. सेल्फी आणि व्हिडिओ कॉलिंगसाठी फोनमध्ये 10MP फ्रंट कॅमेरा आहे.
ऑफर्सबद्दल सांगायचे झाले तर, HDFC बँक क्रेडिट कार्ड आणि Scapia Federal Bank क्रेडिट कार्डवर EMI पर्यायासह 1,500 रुपयांपर्यंत अतिरिक्त सूट मिळत आहे. तसेच जुना फोन एक्सचेंज केल्यास 42,000 रुपयांपर्यंत एक्सचेंज व्हॅल्यू मिळू शकते.
एकूणच, प्रीमियम फोल्डेबल स्मार्टफोन कमी किमतीत खरेदी करण्याची ही उत्तम संधी असून, टेक्नॉलॉजीप्रेमी ग्राहकांसाठी ही ऑफर नक्कीच फायदेशीर ठरू शकते.
