अहमदनगर Live24 टीम, 11 नोव्हेंबर 2020 :-नागरिकांच्या संरक्षणासाठी खाकीशी नाते जोडणारे पोलीस प्रशासन नागरिकांसाठी अहोरात्र सेवा बजावत असतात. कोरोनाच्या काळात देखील रात्रंदिवस आपले कर्तव्य त्यांनी बजावले.
कौतुकास्पद कामगिरी करणाऱ्या या खाकीला आज शहरात धक्काबुक्की झाल्याची निंदनीय घटना घडली आहे. तोफखाना पोलीस ठाण्याच्या पोलीस कर्मचार्‍याला शिवीगाळ करून धक्काबुक्की करणार्‍या पाच जणांविरूद्ध पोलीस ठाण्यात सरकारी कामात अडथळा आणल्याप्रकरणी गुन्हा दाखल करण्यात आला आहे.
याबाबत अधिक माहिती अशी कि, दुपारी तीन वाजेच्या सुमारास आरोपी हे दोन दुचाकीवरून येऊन चौपटी कारंजा येथे नागरिकांना विनाकारण शिवीगाळ करून हुल्लडबाजी करीत होते. यावेळी पोलीस शिपाई बी. एन. बडे हे त्यांच्या दुचाकीवरून पोलीस गणवेशात दिल्लीगेटकडे येत होते.
त्यांनी आरोपींचा हुल्लडबाजीचा प्रकार पाहून त्यांना विचारणा केली. हुल्लडबाजी का करता असा प्रश्‍न केला. यावेळी आरोपी बडे यांना म्हणाले, तु पोलीस असला म्हणून काय झाले, असे म्हणत शिवीगाळ व धक्काबुक्की केली. बडे यांनी तोफखाना पोलिसांना फोन करून माहिती दिली.
तोफखाना पोलीस ठाण्याचे इतर कर्मचारी घटनास्थळी दाखल झाले. पोलिसांनी आरोपी मयूर साठे याला अटक केली आहे. दरम्यान पोलीस शिपाई बी. एन. बडे यांच्या फिर्यादीवरून मयूर शाम साठे (रा. नालेगाव, नगर), विजय राजू पठारे (रा. सिद्धार्थनगर, नगर) व त्यांचे तीन अनोळखी साथीदार यांचा विरोधात हा गुन्हा दाखल करण्यात आला आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
