अहमदनगर Live24 टीम, 15 नोव्हेंबर 2020 :- राज्य सरकारने मंदिरे खुली करण्यास शनिवारी परवानगी दिली. त्यानंतर शिर्डीतील साई मंदिर येत्या सोमवारपासून भक्तांंसाठी खुले होणार आहे. या अनुषंगाने साई मंदिरात दररोज 6 हजार भाविकांच्या दर्शनाची सोय करण्यात आली आहे.
ज्या भाविकांनी दर्शनासाठी ऑनलाईन पद्धतीने बुकिंग केलेले आहे. त्यांनीच शिर्डीत यावे, असे आवाहन साईबाबा संस्थानतर्फे करण्यात आले आहे. मागील आठ महिन्यांपासून राज्यातील सर्व मंदिरे, धार्मिक स्थळे बंद होती.
मात्र दिवाळीच्या पार्श्वभूमीवर राज्य सरकारने मंदिरांसह धार्मिक स्थळे खुली करण्यास सशर्त परवानगी देण्यात आली आहे. यात कोरोना प्रतिबंधक सर्व नियम पाळावेत, अशी अट घालण्यात आली आहे.
त्याप्रमाणे साईबाबा संस्थानने भाविकांना आवाहन केले आहे. कोरोनाबाबात सर्व नियम पाळूनच शिर्डी येथे साईबाबांच्या दर्शनाची व्यवस्था केली असल्याचे साई ट्रस्टचे मुख्य कार्यकारी अधिकारी कान्हुराज बगाटे यांनी सांगितले. तसेच भाविकांना सुलभ दर्शन घेता यावे यासाठी दर्शनाची व्यवस्था पूर्ण झाली असल्याचेही त्यांनी सांगितले.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved
