अहमदनगर Live24 टीम, 04 फेब्रुवारी 2021:- श्री साईबाबा संस्थान विश्वस्त व्यवस्था यांच्या माध्यमातून शिर्डीत येणाऱ्या साईभक्तांना विविध प्रकारच्या सेवा देण्यात येतात. आरोग्य, निवास याबरोबरच चांगल्या प्रकारचे दर्शन व्हावे यासाठी प्रयत्न केला जातो.
वर्षाकाठी लाखो भाविक देशासह परदेशातून शिर्डीत येत असतात. त्यातील अनेक भाविक पेड दर्शन,पेड आरती पास ऑनलाइन-ऑफलाइन घेत असतात.या माध्यमातून जवळपास ४३ कोटी १० लाख ६१ हजार ४०० रुपये साईबाबा संस्थानला प्राप्त झाले आहे.
दि.१जानेवारी १९ ते१जानेवारी २०२० या कालावधीत किती लोकांनी पेड दर्शन व पेड आरती पास घेतले. याबाबत माहितीच्या अधिकारात मुस्ताक शहा यांनी माहिती मागितली असता साईबाबा संस्थानमध्ये दिवसभरात चार आरती होत असतात.
काकड आरती, मध्यान आरती, धूप आरती, शेजआरतीच्या पासेसला साईभक्तांनी प्रतिसाद दिल्यामुळे या माध्यमातून जवळपास ४३ कोटी १० लाख ६१ हजार ४०० रुपये साईबाबा संस्थानला प्राप्त झाल्याचे
माहितीच्या अधिकारातून पुढे आले आहे. पेड दर्शन व पेड आरती घेणाऱ्या साईभक्तांचीसंख्या वाढत आहे. त्याचबरोबरच बायोमेट्रिक पद्धतीने देखील साईभक्त दर्शन लाईनमध्ये जाऊन साईबाबाचे दर्शन घेत आहेत.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
