अहमदनगर Live24 टीम, 21 एप्रिल 2022 AhmednagarLive24 :- राहुरी फॅक्टरी येथील नगर-मनमाड मार्गावर हॉटेल समाधान समोर टँकरच्या धडकेत १ ठार तर दोघे जखमी झाल्याची घटना गुरुवार दि 21 एप्रिल रोजी सकाळी घडली आहे.
सध्या नगर-मनमाड रस्त्याचे काम सुरू असल्याने एकरी वाहतूक सुरू आहे. कराड येथील एम एच 11 एएल या क्रमांकाचा टॅंकर शिर्डीकडे जात असताना शिर्डीकडून राहुरीकडे जात असलेल्या दोन दुचाकींना जोराची धडक दिली.
या धडकेत एका दुचाकीवरील चालक बाळासाहेब सूर्यभान गाढवे (रांजणगाव खुर्द, ता.राहता) यांचा मृत्यू झाला तर दुचाकीवर पाठीमागे बसलेली त्यांची पत्नी पुष्पां बाळासाहेब गाढवे गँभीर जखमी झाल्या असून त्यांच्यावर अहमदनगर येथे खासगी रुग्णालयात उपचार सुरू आहेत.
तर दुसऱ्या दुचाकीवरील तांबे नामक व्यक्ती जखमी झाली आहे. जखमींना साई प्रतिष्ठाणचे रुग्णवाहिका चालक रवी देवगिरे यांच्या मदतीने उपचारासाठी दाखल करण्यात आले.
