अहमदनगर Live24 टीम, 29 मार्च 2022 AhmednagarLive24 :- नगर-मनमाड रोडवरील पत्रकार चौकात ट्रकने दुचाकीला चिरडले. या अपघातात दुचाकीवरील दोघे ठार झाले असल्याची माहिती पोलिसांनी दिली.
उद्धव तेलोरे व बाळकृष्ण तेलोरे अशी मयतांची नावे आहेत. दुचाकीवरील मयत हे पाथर्डी तालुक्यातील असल्याचे समजते. नगरच्या दिशेने येणार्‍या मालट्रकने दुचाकीला पत्रकार चौकात धडक दिली.
दुचाकीवरील असलेल्या दोघांचा यामध्ये जागीच मृत्यू झाला. आज दुपारी ही घटना घडली. घटनेची माहिती मिळताच तोफखाना, शहर वाहतुक शाखा पोलिसांनी घटनास्थळी धाव घेतली. यावेळी वाहतुक कोंडी झाली होती.
