अहमदनगर Live24 टीम, 22 फेब्रुवारी 2022 :- चारचाकी वाहन व दुचाकीच्या धडकेत दुचाकीवरील तरूण रितेश सुजित काळे (वय 20) व महेश भरसाकळे (वय 32 रा. रेणुकानगर, औरंगाबादरोड, अहमदनगर) यांचा मृत्यू झाला आहे.
त्यांच्यासोबत असलेला आणखी एक तरूण जखमी झाला आहे. त्याच्यावर रूग्णालयात उपचार सुरू आहेत. अहमदनगर-औरंगाबाद रोडवरील धनगरवाडी (ता. नगर) शिवारात हा अपघात झाला.
याबाबत पोलिसांनी दिलेली माहिती अशी की, रितेश काळे, महेश भरसाकळे व त्यांचा आणखी एक मित्र दुचाकीवरून अहमदनगर-औरंगाबाद रोडने घोडेगाव येथे महेश भरसाकळे याला सोडण्यासाठी जात होते.
ते धनगरवाडी शिवारातून जात असताना त्यांना चारचाकी वाहनाने धडक दिली. या धडकेेत दुचाकीवरील रितेश व महेश यांचा मृत्यू झाला आहे.
दरम्यान त्यांचा एक मित्र जखमी झाला असून त्याच्यावर रूग्णालयात उपचार सुरू असल्याचे पोलीस उपनिरीक्षक हंडाळ यांनी सांगितले.
याप्रकरणी अज्ञात चारचाकी वाहन चालकाविरूध्द एमआयडीसी पोलीस ठाण्यात गुन्हा दाखल करण्यात आला आहे. कांता सुजित काळे (वय 40 रा. रेणुकानगर, औरंगाबादरोड, अहमदनगर) यांनी फिर्याद दिली आहे. या गुन्ह्याचा तपास पोलीस उपनिरीक्षक हंडाळ हे करीत आहेत.
