अहमदनगर :- कामावर हजर न झालेल्या २१ कर्मचाऱ्यांना शुक्रवारी निलंबित करण्यात आले. सफाई कर्मचाऱ्यांनी काही दिवसांपूर्वी मनपासमोर धरणे आंदोलन केले होते. घनकचरा विभागाने कामाच्या सोयीसाठी २१ कर्मचाऱ्यांना बदलीचे आदेश दिले होते.
पूर्वसूचना न देता परस्पर कामावर गैरहजर राहिल्याने…
बदली आदेशानुसार रुजू होण्यास नकार दिल्याने प्रशासनाने त्यांना कामावर हजर होण्याबाबत नोटिसा बजावल्या होत्या. ते कामावर रुजू न झाल्याने घनकचरा विभागाने तसा अहवाल सादर केला होता. कोणत्याही प्रकारची पूर्वसूचना न देता परस्पर कामावर गैरहजर राहिल्याने या कर्मचाऱ्यांना निलंबित केल्याचे आदेशात म्हटले आहे.
