अहमदनगर Live24 टीम, 27 मार्च 2022 Ahmednagar cirme :-पती मुलांना क्लासवरून आणण्यासाठी गेल्यानंतर गाडी चालकाने विवाहितेचा हात पिरगळून तिच्याशी गैरवर्तन केले.
या प्रकरणी तरूण हेमंत पोपट झरेकर (रा. केडगाव, अहमदनगर) याच्याविरूध्द येथील तोफखाना पोलीस ठाण्यात गुन्हा दाखल करण्यात आला आहे.
शनिवारी सायंकाळी साडेपाच वाजेच्या सुमारास अहमदनगर शहरातील एका उपनगरात ही घटना घडली. फिर्यादीचे पती मुलांना क्लासवरून आणण्यासाठी गेले असता फिर्यादी घरी एकट्याच होत्या.
फिर्यादी यांच्या घरासमोर पाण्याचा पाईप अंथरलेला होता. झरेकर हा गॅस टॉकी वाहतूक करणारी गाडी घेऊन जात असताना फिर्यादी यांनी त्याला पाईप घराब होऊ नये म्हणून दोन मिनिट थांबण्यास सांगितले.
याचा राग आल्याने झरेकर याने फिर्यादीला शिवीगाळ करत हात पकडून पिरगळला. जवळ ओढून त्यांच्याशी गैरवर्तन केले असल्याचे फिर्यादीत म्हटले आहे. अधिक तपास कोतवाली पोलीस करीत आहेत.
