अहमदनगर Live24 टीम, 22 जानेवारी 2022 :- एका बडतर्फ कर्मचार्‍याने नगर येथे महावितरण कार्यालयात बैठकीत असलेल्या सहाय्यक महाव्यवस्थापकावर शाईफेक करून शिवीगाळ करत थेट तुला व तुझ्या घरच्यांना बघून घेतो, घरी येऊन तुला मारीन अशी धमकी दिल्याची घटना घडली आहे.
याप्रकरणी कोतवाली पोलीस ठाण्यात गुन्हा दाखल करण्यात आला आहे. महावितरणचे सहाय्यक महाव्यवस्थापक महेश लक्ष्मण बुरंगे यांनी दिलेल्या फिर्यादीवरून सुभाष माधवराव भोगाडे याच्यावर गुन्हा दाखल करण्यात आला आहे.
याबाबत सविस्तर माहिती अशी, बुरंगे हे अहमदनगर महावितरण कार्यालयात प्रमोशन पॅनलच्या कामकाजाकरिता आले होते. यावेळी महावितरण कार्यालयात बैठक सुरू असताना भोगाडे याने दालनात येऊन मोठमोठ्याने आरडाओरड करीत मला चुकीचे बडतर्फ का केले, असे म्हणून त्याने शिवीगाळ करायला सुरूवात केली.
त्याने सोबत आणलेल्या बाटलीतून काळ्या रंगाच्या शाई सदृश पदार्थ माझ्या अंगावर टाकला. बैठकीच्या टेबलवरही शाई सांडली. यावेळी उभा असलेल्या कर्मचार्‍यांनी त्याच्या हातातून बाटली घेऊन त्यास धरायला गेले असता,
त्याने माझ्या अंगावर धावून येऊन मला ढकलून देत तुला व तुझ्या घरच्यांना बघून घेतो, घरी येऊन तुला मारीन, अशी धमकी दिली.
असे बुरंगे यांनी फिर्यादीत म्हटले आहे. याप्रकरणी पोलिसांनी गुन्हा दाखल केला भोगाडे याला अटक केली असून तो सध्या न्यायालयीन कोठडीत आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
