अहिल्यानगर : मुलगी पाहण्याचा कार्यक्रम झाला मुुलाला मुलगी देखील पसंत झाली त्यानंतर लग्न ठरले मात्र या ठरलेल्या लग्नास मुलगा आपली जोडी शोभून दिसत नाही असे कारण देत मुलाच्या कुटुंबीयांनी काही महिन्यातच नकार दिला. त्यामुळे जमलेले लग्न मोडल्याने एका २२ वर्षीय मुलीने गळफास घेऊन आत्महत्या केली. या प्रकरणी मुलासह आई वडिलांवर आत्महत्येस प्रवृत्त केल्याप्रकरणी जामखेड पोलीस स्टेशनला गुन्हा दाखल करण्यात आला आहे.
या प्रकरणी मुलीचे वडील सतिष दादासाहेब सुरवसे (रा.डीसलेवाडी ता.जामखेड) यांनी जामखेड पोलीस स्टेशनला दिलेल्या फिर्यादीवरून मुलगा महेश दत्तात्रय मेंगडे (हल्ली रा. चिखली कदळवाडी मोशी ता. चाकण जि. पुणे), (मुळ रा. कर्जत) अनुजा दत्तात्रय मेंगडे व दत्तात्रय पांडुरंग मेंगडे (हल्ली. रा. कर्जत ता. कर्जत जिल्हा. अहिल्यानगर) यांच्यावर आत्महत्येस प्रवृत्त केल्याचा गुन्हा दाखल करण्यात आला आहे.
या प्रकरणी मुलीच्या वडिलांनी दि.२७ मार्च २०२५ रोजी दिलेल्या फिर्यादीमध्ये म्हटले आहे की मयत मुलगी मोनिका सतिष सुरवसे (वय २२ वर्षे रा. डीसलेवाडी ता. जामखेड) हीचा विवाह कर्जत येथील मेंगडे कुटुंबातील मुलाशी जमला होता. मात्र लग्न जमल्यानंतर दि.१८ फेब्रुवारी २०२५ ते २७ मार्च २०२५ रोजी पर्यंत मुलगा महेश दत्तात्रय मेंगडे याने मुलीस वेळोवेळी म्हणत होता की तु मला आवडली नाही, मला तु मॅच होत नाही, आपली जोडी शोभून दिसत नाही असे म्हणुन मयत मोनिका हीस अपमानित केले.
तसेच मुलाची आई अनुजा दत्तात्रय मेंगडे व मुलाचे वडील दत्तात्रय पांडुरंग मेंगडे हे मुलीच्या वडीलांना म्हणत होते की, तुमची मुलगी आमच्या मुलाला शोभुन दिसत नाही. त्यामुळे माझ्या मुलीचे जमलेले लग्न मोडले व या कारणावरून माझ्या मुलीने मानसिक त्रासामुळे दि.२७ मार्च २०२५ रोजी डीसलेवाडी येथे राहत्या घरात गळफास घेऊन आत्महत्या केली आहे. त्यामुळे मुलीच्या आत्महत्येस प्रवृत्त केल्या प्रकरणी मुलासह आई वडिल आशा तिघांवर जामखेड पोलीस स्टेशनला गुन्हा दाखल करण्यात आला आहे.
