Ahmednagar News : दरोडेखोरांची टोळी स्थानिक गुन्हे शाखेने जेरबंद केली आहे. नगर परिसरात पर्यटकावर दरोडा टाकून ही टोळी लूटमार करायची. सुरेश रणजीत निकम, विलास संजय बर्डे,
रोहित संदीप शिंदे रा. कात्रड, ता. राहुरी, ज्ञानेश्वर भानुदास बर्डे, मुळ रा. कोंढवड, ता. राहुरी व हल्ली रा. बोल्हेगांव, ता. नगर व शांताराम भानुदास काळकुंड, रा. दत्त मंदीरा शेजारी, निंबळक, ता. नगर अशी आरोपींची नावे आहेत.
अधिक माहिती अशी : ३ ऑगस्ट रोजी फिर्यादी वैभव उत्तम सहजराव हे विळद परिसरातील गवळीवाडा वॉटर फॉल, ता. नगर येथे फिरण्यास गेले असता अनोळखी ५ इसमांनी फिर्यादीस लाथाबुक्या व काठीने मारहाण करुन ६,९००/- रुपये किंमतीचा मोबाईल फोन, चांदीची चैन,
अंगठी व रोख रक्कम दरोडा चोरी करुन चोरुन नेले बाबत एमआयडीसी पोलीस स्टेशनमध्ये भारतीय न्याय संहिता कलम ३१० (२) प्रमाणे दरोड्याचा गुन्हा दाखल आहे. नमुद घटना घडल्यानंतर पोलीस अधीक्षक राकेश ओला यांनी पोनि दिनेश आहेर यांना स्थागुशाखेतील पोलीस अधिकारी व अंमलदार यांचे पथक नेमुन गुन्ह्याचा समांतर तपास करुन गुन्हा उघडकीस आणणेबाबत आदेशित केले होते.
सदर आदेशान्वये आहेर यांनी स्थागुशाखेतील सपोनि हेमंत थोरात, पोहेकॉ गणेश भिंगारदे, संतोष लोढे, अतुल लोटके, देवेंद्र शेलार, पोना फुरकान शेख, पोकों रविंद्र घुगांसे, आकाश काळे मयुर गायकवाड, किशोर शिरसाठ, रोहित येमुल, प्रमोद जाधव,
प्रशांत राठोड, चापोहेकॉ चंद्रकांत कुसळकर व चापोकों अरुण मोरे अशांचे पथक नेमुन अशा प्रकारचे गुन्हे करणारे रेकॉर्डवरील आरोपींची माहिती घेणे बाबत आवश्यक सुचना देवुन पथकास रवाना केले.
पथक तांत्रिक विश्लेषणाचे आधारे व गुप्तबातमीदारा मार्फत एमआयडीसी, बेल्हेगांव, विळद व राहुरी परिसरातील रेकॉर्डवरील गुन्हेगारांची माहिती घेत असतांना आहेर यांना गुप्तबातमीदारा मार्फत वर नमुद गुन्हा हा इसम सुरेश रणजीत निकम व विलास बर्डे दोन्ही रा. कात्रड, ता. राहुरी यांनी त्यांचे इतर ३ साथीदारांसह केला असुन
ते कात्रड गांवातील स्मशानभुमी जवळ बसलेले आहेत अशी खात्रीशीर माहिती मिळाल्याने. आहेर यांनी प्राप्त माहिती पथकास देवुन बातमीतील ठिकाणी कारवाई करणे बाबत कळविले. पथकाने लागलीच राहुरी तालुक्यातील कात्रड गांवातील स्मशानभुमी जवळ जावुन पहाणी केली असता काही
इसम एका झाडा खाली गप्पा मारत बसलेले दिसले. पथकाने त्यांना घेराव घालुन शिताफीने ताब्यात घेतले. त्यांचेकडे वर नमुद गुन्ह्याचे अनुषंगाने विचारपुस करता सुरुवातीस ते उडवाउडवीची उत्तरे देवु लागले.
अधिक विश्वासात घेवुन सखोल व बारकाईने चौकशी करता त्यांनी गुन्हा केल्याचे सांगितल्याने पाचही आरोपींना एमआयडीसी पोलीस स्टेशन येथे हजर केले आहे. पुढील तपास एमआयडीसी पोलीस स्टेशन करीत आहे.
