अहमदनगर Live24 टीम, 20 नोव्हेंबर 2021 :- एका वाळू तस्कर असलेल्या पोलिसाने कर्जतचे प्रांताधिकारी डॉ.अजित थोरबोले यांना कर्जत शहरात शिवीगाळ करत ट्रक पळवून नेल्याची घटना घडली आहे.
याबाबतची फिर्याद तलाठी यांनी दाखल केली आहे. याबाबत सविस्तर माहिती अशी, शुक्रवारी सकाळी सवा सात वाजण्याच्या सुमारास प्रांताधिकारी डॉ .अजित थोरबोले यांनी तहसिलदार नानासाहेब आगळे,
मंडळ अधिकारी बाळासाहेब सुद्रीक, तलाठी दिपक मन्नुलाल बिरुटे व तलाठी स्टाफ यांना बोलावून घेतले. कर्जत शहरात अवैध वाळु वाहतुक करणाऱ्या वाहनांवर कारवाई करण्यासाठी हे सर्व गेले असता,
बालाजीनगर परिसरात घालमे यांचे बांधकाम सुरु असलेल्या ठिकाणी एका ट्रकमध्ये अंदाजे तीन ब्रास वाळु अवैध्यरित्या वाहतुक करताना डॉ.थोरबोले यांना मिळुन आला.
त्यांनी सदर वाळूचा पंचनामा करण्याचे सांगितले असता तेथे उभ्या असलेल्या निळ्या पांढ-या रंगाचा टि-शर्ट घातलेला केशव व्हरकटे याने आपण पोलीस असल्याचे सांगून सहकार्य करण्याचे सांगितले.
मात्र प्रांताधिकाऱ्यांनी हा ट्रक कार्यालयात नेण्याबाबत सूचना दिल्या. यावेळी त्याने शिवीगाळ केली व सदरचा ट्रक पळवुन नेला. अशा आशयाची फिर्याद दाखल केली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
