अहमदनगर Live24 टीम, 17 फेब्रुवारी 2022 :- गणेश कोंंडिबा कोतकर (रा. कोतकर वस्ती, निंबळक ता. नगर) या तरुणाने उसने दिलेले चार लाख परत न मिळाल्याने तणावाखाली येत विषारी पदार्थ घेत आत्महत्या केली.
दरम्यान चार लाख घेतलेल्या व्यक्तीविरूध्द एमआयडीसी पोलीस ठाण्यात आत्महत्येस प्रवृत्त केल्याचा गुन्हा दाखल करण्यात आला आहे.
याप्रकरणी मयत गणेश कोतकर यांचा भाऊ संदीप कोंडिबा कोतकर यांनी फिर्याद दिली आहे. एमआयडीसी पोलीस ठाण्यात बाळू ऊर्फ बाळासाहेब जगन्नाथ कोतकर (रा. निंबळक ता. नगर) याच्याविरोधात गुन्हा दाखल करण्यात आला आहे.
याबाबत अधिक माहिती अशी, गणेश कोतकर यांनी बाळू कोतकर याला मागील सहा ते सात महिन्यांपूर्वी हात उसने चार लाख रुपये दिले होते.
गणेश यांनी बाळूकडे चार लाख रुपयांची वेळोवेळी मागणी करून देखील त्याने ते पैसे दिले नाहीत. त्यामुळे गणेश हा डिप्रेशनमध्ये गेला होता.
त्याने विषारी पदार्थ घेऊन आत्महत्या केली. बाळूने चार लाख परत दिले नाही म्हणून गणेशने विषारी पदार्थ घेत आत्महत्या केल्याचे फिर्यादीत म्हटले आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
