अहमदनगर Live24 टीम, 10 मार्च 2022 Ahmednagar News :- शहरातील खासगी हॉस्पिटलच्या परिसरात उभ्या असलेल्या कारची काच फोडून त्यामधून 20 हजार रूपये किंमतीचा लॅपटॉप व कादगपत्रांची बॅग चोरट्यांनी चोरून नेली.
अहमदनगर शहरातील फाटके पाटील व गुंजाळ हॉस्पिटलच्या परिसरात मंगळवारी सकाळी 11 ते दुपारी साडेबारा वाजेच्या दरम्यान ही घटना घडली. याप्रकरणी कोतवाली पोलीस ठाण्यात चोरीचा गुन्हा दाखल करण्यात आला आहे.
उत्तम त्रिंबक साठे (वय 35 रा. साकत ता. आष्टी जि. बीड) यांनी फिर्याद दिली आहे. फिर्यादी हे डाटा एंट्रीचे काम करतात. ते मंगळवारी सकाळी अहमदनगरमध्ये आले होते.
त्यांनी त्यांची कार फाटके पाटील व गुंजाळ हॉस्पिटल परिसरात पार्क केली होती. सकाळी 11 ते दुपारी साडेबारा वाजेच्या दरम्यान चोरट्याने त्यांच्या कारची मागील बाजूची काच फोडली.
कारमध्ये ठेवलेला 20 हजार रूपये किंमतीचा एक लॅपटॉप आणि कागदपत्रे असलेली बॅग चोरून नेली असल्याचे फिर्यादीत म्हटले आहे. पुढील तपास पोलीस नाईक गाडगे हे करीत आहेत.
