अहमदनगर Live24 टीम, 04 फेब्रुवारी 2021:- राहाता तालुक्यातील ममदापूर यादवमळा परिसरातील टिळेकर व कदम वस्तीवर बिबट्याचा वावर वाढला असून बुधवारी रात्री पुन्हा बिबट्याने कुत्र्यावर हल्ला केल्याने परिसरातील नागरिक भयभीत झाले आहे.
ममदापूर पासून श्रीरामपूरकडे जाणाऱ्या रोड लगत असणाऱ्या टिळेकरवस्ती परिसरात अनेक दिवसांपासून बिबट्याची दहशत असून अनेक पाळीव कुत्रे बिबट्याने फस्त केल्याच्या घटना घडल्या आहे.
संदेश माधव टिळेकर यांच्या शेतात असणाऱ्या वस्तीच्या घरासमोरील कुत्रे बुधवारी रात्री बिबट्याने फस्त केले आहे. याआधीही या परिसरात कुत्र्याचा बिबट्याने फडशा पाडला आहे.
याच भागात राहणाऱ्या एका वयोवृद्ध व्यक्तीवर रात्रीच्या वेळी बिबट्याने हल्ला केल्याची घटना घडली होती. अनेक शेतकऱ्यांच्या शेळ्या व कुत्रे बिबट्याने फस्त केले असून
पुन्हा बुधवारी रात्री अशी घटना घडल्याने टिळेकर व कदम वस्ती वरील नागरिक भयभीत झाले आहे. या भागात वन विभागाच्या अधिकाऱ्यांनी प्रत्यक्षात येऊन पाहणी करून पिंजरे लावावे, अशी मागणी नागरिकांनी केली आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
