अहमदनगर Live24 टीम, 11 मार्च 2022 Ahmednagar News :- नगर तालुक्यातील जेऊर येथे बबन राधाजी जरे (वय 61 रा. ससेवाडी ता. नगर) यांचा मृत्यू झाला. तो संशयास्पद असून, घातपात झाला असल्याचा संशय जरे कुटुंबीयांकडून व्यक्त करण्यात आला आहे.
त्याबाबत सखोल चौकशी करून गुन्हा दाखल करण्याची मागणी जिल्हा पोलीस अधीक्षक मनोज पाटील यांना दिलेल्या निवेदनात केली आहे.
बबन जरे यांचा जेऊर येथील देशी दारूच्या दुकानासमोर मृत्यू झाला होता. सदर प्रकार हा घातपात झाला असल्याचा आरोप निवेदनामध्ये करण्यात आला आहे.
जरे यांच्या मृत्यू प्रकरणी गुन्हा दाखल करण्याची मागणी केली आहे. जरे यांच्याशी केलेल्या झटापटीत त्यांचा मृत्यू झाला. तसेच दुकानदाराकडून सीसीटीव्ही बंद असल्याचे सांगण्यात आल्याने संशय वाढला आहे, असे निवेदनात नमूद केले आहे.
या प्रकरणाची चौकशी करून गुन्हा दाखल करण्याची मागणी निवेदनात करण्यात आली आहे.
