अहमदनगर Live24 टीम, 30 ऑक्टोबर 2021 :- चंदनाच्या झाडाची चोरी करणार्‍या एकाला स्थानिक गुन्हे शाखेच्या पोलिसांनी नागापूर एमआयडीसीतून अटक केली आहे. गणेश सुभाष जाधव (वय 20 रा. समतानगर, चांदा ता. नेवासा) असे अटक केेलेल्या आरोपीचे नाव आहे.
याबाबत अधिक माहिती अशी कि, 18 सप्टेंबर 2021 रोजी एमआयडीसीतील लुनार इंजिनिअर्स कंपनीतून चोरट्यांनी चंदनाचे झाड, कॉपर केबल, मोबाईल चोरून नेला होता. याप्रकरणी एमआयडीसी पोलीस ठाण्यात गुन्हा दाखल आहे.
सदरचा गुन्हा गणेश जाधव याने केल्याची माहिती पोलीस निरीक्षक अनिल कटके यांना मिळाली होती. कटके यांच्या सूचनांनुसार पोलीस पथकाने तात्काळ आरोपी जाधव याला चांदा परिसरातून अटक केली.
त्याच्याकडून चार किलो चंदनाच्या झाडाचे 11 तुकडे जप्त करण्यात आले आहे. दरम्यान यापूर्वी या गुन्ह्यातील गणेश कुर्‍हाडे (रा. वडगाव गुप्ता), राहुल जाधव (रा. प्रवरासंगम ता. नेवासा) यांंना अटक केली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
