पुणे जिल्ह्यात परिविक्षाधिन सहाय्यक जिल्हाधिकारी म्हणून काम पाहणाऱ्या IAS अधिकारी पूजा खेडकर यांची वाशिम जिल्हाधिकारी म्हणून बदली झाली आहे. खासगी गाडीवर लाल दिवा आणि चेंबरवर डल्ला मारण्याचा तथाकथित आरोप त्यांच्यावर होता.
IAS अधिकारी पूजा खेडकर या मूळच्या अहमदनगरमधील आहेत. खासगी गाडीवर अंबर दिवा तसेच महाराष्ट्र शासन लिहिले आणि वरिष्ठ अधिकाऱ्याचे अँटी चेंबर बळकावले आदी आरोप त्यांच्यावर करण्यात आले होते.
त्यामुळेत्यांची उचलबांगडी करण्यात आली असून वाशिम जिल्ह्यात आता त्यांची ट्रान्सफर झाली आहे. पूजा खेडकर या पाथर्डी येथील माजी सनदी अधिकारी दिलीप खेडकर यांच्या मुलगी आहेत.
आयएएस, आयपीएस अधिकारी झाल्यानंतर दोन वर्षांचा प्रोबेशन पिरियड असतो व तो पूर्ण करावा लागतो. विविध विभागांमध्ये काम करत तेथील कामाचा अनुभव घेत विविध कामे करावी लागतात. दोन वर्षांचा प्रोबेशनचा कार्यकाळ पूर्ण झाल्यानंतर प्रत्यक्ष नियुक्ती केली जाते.
3 जून 2024 पासून पुण्यातील जिल्हाधिकारी कार्यालयात परिवाक्षाधिन सहायक जिल्हाधिकारी म्हणून खेडकर यांची नियुक्ती पुण्यात जिल्हाधिकारी कार्यालयात परिवाक्षाधिन सहायक जिल्हाधिकारी म्हणून झालेली होती.
परंतु आता पुण्याचे जिल्हाधिकारी असलेल्या दिवसे यांनी मुख्य अप्पर सचिवांकडे पत्र लिहित अहवाल दिला असून वरिष्ठ अधिकाऱ्याचे अँटी चेंबर बळकावल्यापासून ते खासगी गाडीवर अंबर दिवा आणि महाराष्ट्र शासन लिहिले असल्याचा उल्लेख करत हा अहवाल दिलाय.
खेडकर यांची प्रशिक्षणासाठी दुसऱ्या जिल्ह्यात नियुक्ती करावी असे म्हणत त्यांनी इतरही काही आरोप करत अहवालासोबत व्हॉट्सअप चॅटचे फोटोदेखील जोडले आहेत.
