७ फेब्रुवारी २०२५ करंजी : कल्याण-निर्मळ, या राष्ट्रीय महामार्गावरील चाँदबिबी महालाजवळ पाथर्डीकडून नगरकडे जात असलेल्या एसटीचा अपघात होऊन एसटी बस चाँदबीबी घाटातील धोकादायक वळणावर उलटली.नवी कोरी एसटी बस उलटल्याने या नव्या एसटी बसचे देखील मोठे नुकसान झाले आहे.हा अपघात पहाटेच्या सुमारास घडला असल्याचे समजले.
चाँदबीबी महाल हा घाट परिसर असून, या ठिकाणी असलेल्या धोकादायक वळणाचा वाहन चालकांना अंदाज येत नाही, त्यामुळे या ठिकाणी हमखासपणे अपघात होतात. पाथर्डी कडून नगरकडे जाताना चाँदबीबी महालाजवळील या धोकादायक वळणामुळे होणारे अपघात टाळण्यासाठी राष्ट्रीय महामार्ग विभागाने या ठिकाणी रस्ता रुंदीकरण करून होणारे अपघात टाळण्यासाठी प्रयत्न करावेत अशी मागणी प्रवासी वर्गाकडून होत आहे.
मेहेकरी फाटा या ठिकाणी महामार्गावर अरुंद पूल असून, या अरुंद पुलामुळे या ठिकाणी सातत्याने अपघात होत आहेत.या अरुंद पुलाची दुरुस्ती करून या ठिकाणी नव्याने रुंद व उंच पूल उभारण्याची मागणी प्रवाशांकडून करण्यात येत आहे.
