अहमदनगर Live24 टीम, 09 नोव्हेंबर 2021 :- जिल्हा रूग्णालयातील अतिदक्षता विभागाला शनिवारी सकाळी आग लागून 11 रूग्णांचा मृत्यू झाला. सहा रूग्णांवर उपचार सुरू आहेत.
घटना घडल्यानंतर केंद्रीय मंत्री, राज्याचे मंत्र्यांसह वरिष्ठ अधिकार्‍यांनी रूग्णालयाला भेट देऊन पाहणी केली. गुन्हा दाखल झाला असून तपास सुरू झाला आहे.
याप्रकरणाची उच्चस्तरीय समितीकडून चौकशी सुरू झाली आहे. राज्याचे मुख्य विद्युत निरीक्षक खोंडे त्यांच्यासोबत शहर पोलीस उपअधीक्षक संदीप मिटके, तोफखाना पोलीस ठाण्याच्या निरीक्षक ज्योती गडकरी उपस्थित होत्या.
अतिदक्षता विभागाला आग कुठून आणि कशामुळे लागली याचा शोध घेणे महत्त्वाचे असल्याने सोमवारी सकाळी राज्याचे मुख्य विद्युत निरीक्षक दिनेश खोंडे यांनी पथकासह भेट देऊन पाहणी केली.
त्यांच्या पथकाने अतिदक्षता विभागाची बारकाईने पाहणी करून नोंदी घेतल्या आहेत. विभागीय आयुक्त राधाकृष्ण गमे यांच्या अध्यक्षतेखाली समिती स्थापन करण्यात आली आहे.
नुकतेच समितीच्या सदस्यांनी रूग्णालयाला भेट देऊन काही लोकांचे जबाब नोंदविले. दरम्यान अतिदक्षता विभागाला आग कुठून व कशामुळे लागली याचा शोध घेणे
महत्त्वाचे असल्याने राज्याचे मुख्य विद्युत निरीक्षक सोमवारी सकाळी पथकासह रूग्णालयात दाखल झाले होते. त्यांच्या पथकाने अतिदक्षता विभागाची बारकाईने पाहणी केली. लवकरच या आगीचे कारण स्पष्ट होईल अशी अपेक्षा आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
