अहमदनगर Live24 टीम, 07 डिसेंबर 2021 :- समोरासमोर दोन मोटारसायकलच्या धडकेत महिला व पुरुष जबर जखमी झाल्याची घटना राहुरी-मांजरी रस्त्यावर मानोरी (ठुबे वस्ती) येथे घडली आहे.
दरम्यान या अपघातात झालेल्या जखमींना तातडीने नगर येथील खाजगी रुग्णालयात दाखल करण्यात आले आहे. याबाबत अधिक माहिती अशी कि, राहुरी-मांजरी रस्त्यावर संध्याकाळी 4 वाजण्याच्या सुमारास हि घटना घडली असुन,
मयुर आशोक कुंढरे (वरखेड ता. नेवासा) हे मच्छिमार व्यवसाय करुन राहुरी येथून घराच्या दिशेने जात आसताना मानोरी (ठुबे वस्ती) येथे मिरा बाचकर (वाटापुर ता. नेवासा)
येथून आपल्या भावाच्या मुला सोबत जात असतांना समोरासमोर मोटारसायकल धडकेत हि घटना घडली असल्याचे समजते. या अपघातानंतर रुग्णवाहिकेला तातडीने फोन करून जखमींना नगर येथील खाजगी रुग्णालयात दाखल करण्यात आले आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
