अहमदनगर Live24 टीम, 25 जानेवारी 2022 :- अहमदनगर- पुणे महामार्गावर कामरगाव (ता. नगर) शिवारात ट्रॅक्टरच्या धडकेत दुचाकीस्वाराचा मृत्यू झाल्याची घटना घडली. प्रविण लक्ष्मण गुंजाळ (वय 38, रा.कामरगाव, ता.नगर) असे मयत दुचाकीस्वाराचे नाव आहे.
या प्रकरणी नगर तालुका पोलीस ठाण्यात ट्रॅक्टर चालकाविरूध्द गुन्हा दाखल करण्यात आला आहे. संदीप रामचंद्र गुंजाळ यांनी याबाबत फिर्याद दिली आहे.
गुंजाळ हे नगरहून पुण्याच्या दिशेने जाणार्‍या महामार्गावर दुचाकीवरुन जात असताना रात्री 9.30 वाजण्याच्या सुमारास ट्रॅक्टरने धडक दिल्याने यात जखमी होऊन त्यांचा मृत्यू झाला. या प्रकरणी गुन्हा दाखल करण्यात आला असून अधिक तपास पोलीस करत आहेत.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
