Ahmednagar News : पाथर्डी तालुक्यातील टंचाईग्रस्त गावांसाठी महत्त्वपूर्ण ठरणाऱ्या मिरी – तिसगाव प्रादेशिक नळयोजनेच्या नवीन पाईपलाईनचे काम सध्या सुरू असून, संबंधित योजनेच्या कामासाठी काही ठिकाणी आयएसआय ट्रेड मार्क असलेले पाईप वापरले जात आहेत
तर काही ठिकाणी आयएसआय ट्रेडमार्क नसलेले वेल्डींगने जॉईंट केलेले पाईप वापरले जात असून, या मुख्य पाईपलाईनसाठी ठेकेदाराकडून काही ठिकाणी डुप्लिकेट पाईपचा वापर केला जात आहे का,
असा सवाल करत शिवसेनेचे उपजिल्हाप्रमुख रफिक शेख यांनी या कामाबाबत परिसरातील गावच्या सरपंचासह पांढरीचा पूल येथे रास्तारोको आंदोलन करण्याचा इशारा दिला आहे.
शिराळ- पांढरीचापूल, या भागात नवीन पाईपलाईन टाकण्याचे काम सुरू असून, या कामासाठी ठेकेदाराकडून आयएसआय ट्रेडमार्क असलेले पाईप वापरले जात आहेत तर काही ठिकाणी आयएसआय ट्रेडमार्क नसलेले पाईप वापरले जात असल्याचे काही नागरिकांच्या निदर्शनास आले असून,
जर अशा पद्धतीने नागरिकांच्या डोळ्यात धुळफेक करणारे काम होणार असेल तर हे काम तात्काळ थांबवण्यात यावे. अशा कामामुळे शासनाचा मोठा निधी वाया जाणार असून, लाभधारक गावांना नियमित पाणीपुरवठा होणार नाही,
त्यामुळे नेमकी वस्तुस्थिती काय याचा, जाब विचारण्यासाठी योजनेमध्ये समाविष्ट विविध गावच्या सरपंचांसह पांढरीचा पूल, या ठिकाणी रास्ता रोको आंदोलन करणार असल्याचे शेख यांनी माध्यमांशी बोलताना सांगितले.
