अहमदनगर Live24 टीम, 26 जानेवारी 2021 :-राहत्या घरात गळफास घेऊन एका तरुणाने आत्महत्या केली असल्याची घटना समोर आली आहे. दरम्यान राहुरी तालुक्यातील टाकळीमिया येथे हि घटना घडली आहे.
गौतम उत्तम खंडागळे (वय 45 वर्ष) असे गळफास घेतलेल्या तरुणाचे नाव आहे. याबाबत अधिक माहिती अशी कि, मयत खंडागळे बायको व मुलासह पुणे परिसरात कामानिमित्त राहत होता. तीन-चार दिवसापासून तो टाकळीमिया येथे एकटाच आला होता.
तो पुण्यास राहत असल्याने त्याच्या येथील घरास कुलूप होते व तो सध्या शेजारी राहत असलेल्या पुतण्याकडे राहत होता. पुतणेही मजुरीसाठी गेले असल्याने घरी कुणी नव्हते.
काल दुपारी 1 वाजेच्या दरम्यान खंडागळे याने घराच्या पडवीत गळफास घेतला. या घटनेची माहिती देवळाली पोलीस ठाण्याला देण्यात आल्यानंतर पोलिसांनी संपूर्ण पाहणी करून पंचनामा करत मृतदेह उत्तरीय तपासणीसाठी राहुरी येथे पाठविला.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
