10 Seater Car:- फॅमिली पिकनिक किंवा मित्रांबरोबर सहलीला जात असताना पारंपारिक पाच सीटर गाडीचा वापर कमी उपयुक्त ठरतो. अशा परिस्थितीत अनेक लोक छोट्या गाडीत एका सीटवर तीन ऐवजी चार लोक बसवून प्रवास करताना अडचणींना सामोरे जातात.ज्यामुळे प्रवास अस्वस्थ आणि अडचणींचा होतो.
आजकाल बाजारात बऱ्याच प्रमाणात चार ते पाच सीटर गाड्या उपलब्ध असल्या तरी मोठ्या कुटुंबांसाठी 9 ते 10 सीटर कार घेणे एक उत्तम पर्याय ठरतो. यासाठी भारतातील प्रमुख ऑटोमोटिव्ह ब्रँड फोर्स मोटर्सने खास “फोर्स सिटीलाईन” नावाची १० सीटर कार बाजारात आणली आहे. जी कुटुंबांना आणि प्रवाशांच्या मोठ्या ग्रुपसाठी अतिशय आरामदायक आणि सुरक्षित प्रवासाचा अनुभव देते.
फोर्स सिटीलाईन 3050WB चे फीचर्स
फोर्स सिटीलाईन 3050WB ही एक अत्यंत आकर्षक 10 सीटर गाडी आहे. तिचे विशेष वैशिष्ट्य म्हणजे यात मर्सिडीज-बेंझचे इंजिन वापरण्यात आले आहे. याशिवाय या कारचा आकार आणि डिझाईन देखील टोयोटा फॉर्च्युनरपेक्षा मोठा आहे.
ज्यामुळे अधिक जागा आणि आरामदायक प्रवास करता येतो.या कारमध्ये ड्रायव्हरशिवाय 9 लोक बसू शकतात आणि यामध्ये दुसऱ्या आणि चौथ्या रांगेत बेंच सीट्स दिल्या आहेत.तर तिसऱ्या रांगेत कॅप्टन सीट्स आहेत. यामुळे प्रवास अधिक आरामदायक आणि प्रवाशांना अधिक जागा यामध्ये उपलब्ध होते.
इंजिन आणि परफॉर्मन्स
फोर्स सिटीलाईन 3050WB मध्ये 2.6 लिटर डिझेल इंजिन आहे ज्याची निर्मिती मर्सिडीज-बेंझने केली आहे. या इंजिनामध्ये 5 स्पीड मॅन्युअल गिअरबॉक्स आहे आणि ते 91 हॉर्सपॉवर (hp) पॉवर आणि 250Nm टॉर्क जनरेट करते.
हे इंजिन मोठ्या गाडीसाठी योग्य असले तरी काही वापरकर्त्यांना या कारच्या इंजिनची शक्ती कमी वाटू शकतेmविशेषतः जर गाडीला लोड करून मोठ्या अंतरावर प्रवास करावा लागला तरीही 2.6 लिटर डिझेल इंजिन चांगल्या परफॉर्मन्ससाठी योग्य असते आणि शहरातील आणि ग्रामीण भागातील रस्त्यांवर ते चांगले कार्य करते.
सीटिंग कॅपॅसिटी आणि इंटीरियर्स
फोर्स सिटीलाईनची सीटिंग कॅपॅसिटी 9+D आहे, म्हणजेच ड्रायव्हरला सोडून 9 लोक आरामात बसू शकतात. गाडीमध्ये दुसऱ्या आणि चौथ्या रांगेत बेंच सीट्स आहेत, ज्यामुळे एकाच रांगेत 3 ते 4 लोक बसू शकतात. तिसऱ्या रांगेतील कॅप्टन सीट्स प्रवाशांना अधिक आरामदायक स्थान देतात.
या गाडीचे इंटीरियर्स खूप साधे आहेत आणि त्यामध्ये इन्फोटेन्मेंट सिस्टीम उपलब्ध नाही. मात्र मागील प्रवाशांसाठी रूफ माउंटेड एअर कंडिशनिंग व्हेंट्स दिले गेले आहेत आणि गाडीमध्ये बसणाऱ्यांना अधिक आरामदायक वातावरण मिळते.
आकार आणि डिझाईन
फोर्स सिटीलाईन 3050WB च्या आकार पाहिला तर तिची लांबी 5120 मिमी, रुंदी 1818 मिमी आणि उंची 2027 मिमी आहे. या गाडीच्या तुलनेत टोयोटा फॉर्च्युनरची लांबी 4796 मिमी, रुंदी 1855 मिमी आणि उंची 1835 मिमी आहे.
यावरून स्पष्टपणे दिसून येते की, फोर्स सिटीलाईन लांब आणि उंच आहे. ज्यामुळे त्यात अधिक जागा उपलब्ध होते.गाडीचा हा आकार ती अधिक स्टेबल आणि सुसंगत बनवतो. ज्यामुळे लांब प्रवास करताना सुरक्षितता आणि आरामाची खात्री होते.
किंमत आणि वैशिष्ट्ये
फोर्स सिटीलाईन 3050WB ची एक्स-शोरूम किंमत 1628527 रुपये आहे. जी या गाडीच्या आकार, सीटिंग कॅपॅसिटी आणि गुणवत्ता लक्षात घेता खूप फायदेशीर दिसून येते. याच्या तुलनेत इतर १० सीटर गाड्यांमध्ये हे एक आकर्षक आणि किफायतशीर पर्याय ठरते.
या गाडीचे डिझाइन साधे असले तरी ती एक उत्तम कार्यक्षम कार आहे जी विविध प्रकारच्या प्रवासांसाठी योग्य आहे. यामध्ये तुमच्या कुटुंबासाठी किंवा मित्रांसाठी एक सुरक्षित, आरामदायक आणि स्पेशियस अनुभव मिळतो.
