भारतीय दुचाकी बाजारासाठी डिसेंबर २०२५ हा महत्त्वाचा टर्निंग पॉइंट ठरला. ग्रामीण भागातील वाढती मागणी, सणासुदीचा सकारात्मक प्रभाव आणि रोजच्या वापरासाठी उपयुक्त कम्युटर बाईक्सपासून ते स्पोर्टी व मध्यम क्षमतेच्या मोटारसायकलींपर्यंत स्थिर विक्रीमुळे संपूर्ण बाजारात चांगलीच चैतन्याची लाट पाहायला मिळाली. या महिन्यात टॉप १० मोटारसायकलींची एकत्रित विक्री तब्बल ७,३३,४२० युनिट्सवर पोहोचली. गेल्या वर्षीच्या तुलनेत ही तब्बल ४१.८ टक्के वाढ असून, दुचाकी उद्योग पुन्हा एकदा वेग घेत असल्याचे स्पष्ट संकेत मिळाले आहेत.
ग्राहकांसाठी आकर्षक ऑफर्स आणि मॉडेल्सवर विशेष डील डिसेंबरमध्ये अनेक कंपन्यांनी मर्यादित कालावधीसाठी आकर्षक सवलती, एक्सचेंज बोनस आणि फायनान्स स्कीम्स दिल्या. यामुळे पहिल्यांदा बाईक घेणाऱ्या ग्राहकांपासून अनुभवी रायडर्सपर्यंत सर्वांचाच कल शोरूमकडे वळला. हिरो स्प्लेंडर पुन्हा अव्वल, मायलेजचा बादशहा कायम देशातील सर्वाधिक विक्री होणारी मोटारसायकल म्हणून हिरो स्प्लेंडरने आपले स्थान पुन्हा सिद्ध केले. डिसेंबर २०२५ मध्ये या मॉडेलच्या २,८०,७६० युनिट्सची विक्री झाली.
वार्षिक आधारावर ही वाढ ४५.९ टक्के होती. ६० किमीपेक्षा जास्त मायलेज, कमी देखभाल खर्च आणि सुमारे ₹७४,१५२ पासून सुरू होणारी किंमत यामुळे स्प्लेंडर अजूनही मध्यमवर्गीय ग्राहकांची पहिली पसंती ठरत आहे. होंडा शाइनची १२५ सीसी विभागात मजबूत पकड १२५ सीसी सेगमेंटमध्ये होंडा शाइनने १,४१,६०२ युनिट्सची विक्री करत ४०.४ टक्के वाढ नोंदवली. आरामदायी रायडिंग, विश्वासार्ह इंजिन आणि चांगले मायलेज यामुळे शाइनने या वर्गात आपली आघाडी कायम ठेवली आहे.
हिरो HF डिलक्स – एंट्री-लेव्हल सेगमेंटचा भरोसेमंद पर्याय हिरो HF डिलक्सने ४९,०५१ युनिट्सची विक्री करत १७.६ टक्के वार्षिक वाढ साधली. कमी बजेटमध्ये टिकाऊ आणि इंधन बचतीची बाईक हवी असलेल्या ग्राहकांसाठी HF डिलक्स अजूनही मजबूत पर्याय ठरत आहे. TVS अपाचे – तरुणाईची पसंती, विक्रीत विक्रमी उडी स्पोर्टी डिझाइन आणि दमदार परफॉर्मन्समुळे TVS अपाचेने डिसेंबरमध्ये सर्वाधिक वेगाने वाढ नोंदवली. तब्बल ४५,५०७ युनिट्स विक्रीसह या बाईकने ११७.९ टक्के वार्षिक वाढ साधली, ज्यातून तरुण ग्राहकांचा वाढता कल स्पष्ट दिसतो. बजाज पल्सर – कामगिरीचा आत्मविश्वास कायम बजाज पल्सरने ७९,६१६ युनिट्सची विक्री करत २१.४ टक्के वाढ नोंदवली.
पॉवर, स्टाइल आणि परफॉर्मन्स यांचा संतुलित संगम म्हणून पल्सर अजूनही लोकप्रिय आहे. रॉयल एनफील्ड ३५० सीसी पोर्टफोलिओची दमदार उपस्थिती क्लासिक ३५० (३४,९५८ युनिट्स, १८% वाढ), बुलेट ३५० (२४,८४९ युनिट्स, ७६.९% वाढ) आणि हंटर ३५० (२०,६५४ युनिट्स, ५०.३% वाढ) या तीन मॉडेल्समुळे रॉयल एनफील्डने ३५० सीसी सेगमेंटमध्ये आपले वर्चस्व अधिक घट्ट केले. मजबूत बांधणी आणि रेट्रो लूक अजूनही ग्राहकांना आकर्षित करत आहे. होंडा युनिकॉर्न आणि TVS रेडर – प्रवासी आणि युवा वर्गासाठी खास होंडा युनिकॉर्नने ३३,६४० युनिट्स विक्री करत ६०.३ टक्के वाढ नोंदवली, तर युवा-केंद्रित TVS रेडरने २२,७८३ युनिट्ससह ३०.५ टक्के वाढ साधली.
कंपन्यांची कामगिरी: कोण कुठे पुढे? हिरो मोटोकॉर्पने टॉप-१० विक्रीपैकी सुमारे ४५ टक्के वाटा मिळवत बाजारातील आपले वर्चस्व कायम राखले. होंडाने जवळपास २४ टक्के हिस्सा मिळवला, ज्यात शाइनची भूमिका महत्त्वाची ठरली. TVS मोटरने अपाचे आणि रेडरमुळे सर्वात जलद OEM-स्तरीय वाढ साधली. रॉयल एनफील्डच्या ३५० सीसी मॉडेल्सचा टॉप-१० मध्ये ११ टक्के वाटा राहिला, तर बजाज ऑटोने पल्सरच्या जोरावर स्थिर आणि मजबूत कामगिरी राखली.
