Ather 450S EV Scooter : भारतीय ऑटो क्षेत्रामध्ये अनेक कंपन्यांकडून त्यांची इलेक्ट्रिक वाहने सादर केली जात आहेत. तसेच अनेक कंपन्यांची इलेक्ट्रिक वाहने सध्या बाजारात उपलब्ध आहेत. आता Ather 450S ही बजेटमधील इलेक्ट्रिक स्कूटर लॉन्च होण्यासाठी सज्ज झाली आहे.
देशात पेट्रोल आणि डिझेलच्या किमती वाढल्याने अनेक ग्राहक इलेक्ट्रिक वाहनांकडे वळली आहेत. त्यामुळे इलेक्ट्रिक स्कूटर, बाईक आणि कारच्या मागणीमध्ये झपाट्याने वाढ झाली आहे. ग्राहकांची मागणी पाहता अनेक कंपन्या इलेक्ट्रिक वाहन निर्मितीवर अधिक भर देत आहेत.
तुम्हालाही स्वस्त आणि शक्तीशाली इलेक्ट्रिक स्कूटर खरेदी कार्यहाची असेल तर जरा थांबा. कारण 11 ऑगस्ट रोजी भारतात आणखी एक स्वस्त इलेक्ट्रिक स्कूटर लॉन्च होणार आहे. Ather Energy या इलेक्ट्रिक स्कूटर कंपनीकडून त्यांची आणखी एक Ather 450S ही स्कूटर लॉन्च केली जाणार आहे.
Ather 450S तपशील
Ather Energy या इलेक्ट्रिक स्कूटर निर्मिती करणाऱ्या कंपनीच्या नवीन इलेक्ट्रिक स्कूटरचे नाव Ather 450S असे देण्यात आले आहे. कंपनीची Ather 450 आणि Ather 450 pro अशा इलेक्ट्रिक स्कूटर सध्या बाजारात उपलब्ध आहेत. त्यांच्या Ather 450 या इलेक्ट्रिक स्कूटरच्या किमती वाढल्याने कंपनीकडून Ather 450S ही स्कूटर लॉन्च करण्याचा निर्णय घेण्यात आला आहे.
Ather 450 या इलेक्ट्रिक स्कूटरपेक्षा Ather 450S या इलेक्ट्रिक स्कूटरचा बॅटरी पॅक, किंमत आणि रेंज देखील कमी असणार आहे. त्यामुळे कमी किमतीमधील इलेक्ट्रिक स्कूटर खरेदी करण्याची संधी ग्राहकांना मिळणार आहे.
Ather 450S किंमत आणि बॅटरी पॅक
Ather 450S या आगामी इलेक्ट्रिक स्कूटरमध्ये कंपनीकडून 3kWh बॅटरी बॅटरी पॅक देण्यात येणार आहे. या इलेक्ट्रिक स्कूटरमध्ये टॉप स्पीड 90 किमी प्रतितास देण्यात आला आहे. तसेच सिंगल चार्जमध्ये ही इलेक्ट्रिक स्कूटर 115 किमी रेंज देण्यास सक्षम आहे. या इलेक्ट्रिक स्कूटरची एक्स शोरूम किंमत 1.3 लाख रुपये असण्याची शक्यता वर्तवण्यात येत आहे.
या इलेक्ट्रिक स्कूटरमध्ये कंपनीकडून टचस्क्रीन TFT ऐवजी LCD स्क्रीन दिली जाणार आहे. Ather Energy च्या 450X या इलेक्ट्रिक स्कूटर पेक्षा Ather 450S ही इलेक्ट्रिक स्कूटर ग्राहकांना परवडणारी असणार आहे.
Ather 450S इलेक्ट्रिक स्कूटर बुकिंग
तुम्हीही नवीन इलेक्ट्रिक स्कूटर खरेदी करण्याचा विचार करत असाल तर तुमच्यासाठी Ather 450S इलेक्ट्रिक स्कूटर चांगला पर्याय ठरू शकते. ही इलेक्ट्रिक स्कूटर खरेदी करण्यासाठी तुम्हाला आगोदर बुकिंग करावे लागेल.
कंपनीच्या अधिकृत वेबसाईटला भेट देऊन तुम्ही Ather 450S इलेक्ट्रिक स्कूटर बुक करू शकता. Ather 450S इलेक्ट्रिक स्कूटर बुकिंग करण्यासाठी तुम्हाला 2500 रुपये भरून टोकन घ्यावे लागेल. तसेच जर तुम्ही बुकिंग रद्द केली तर तुम्हाला सर्व पैसे परत केले जातील.
