Best Tractor : भारतात सध्या अनेक कंपन्यांचे ट्रॅक्टर उपलब्ध आहेत. तसेच प्रत्येक कंपनीच्या ट्रॅक्टरची पॉवर देखील वेगवेगळी आहे. अनेकजण ट्रॅक्टर खरेदी करत असताना त्याची पॉवर बघून तो खरेदी करत असतात. तुम्हीही ट्रॅक्टर खरेदी करण्याचा विचार करत असाल तर तुमच्यासाठी सोनालिका WT 60 हा शक्तिशाली ट्रॅक्टर सर्वोत्तम पर्याय ठरू शकतो.
ट्रॅक्टरची पॉवर हॉर्सपॉवरमध्ये मोजली जाते. हॉर्सपॉवर म्हणजे त्या ट्रॅक्टरच्या इंजिनची पॉवर क्षमता किती आहे. प्रत्येक ट्रॅक्टरनुसार त्याची हॉर्सपॉवर देखील बदलत असते. तुम्ही तुमच्या आवश्यकतेनुसार ट्रॅक्टर खरेदी करू शकता.
मध्यम आकाराच्या ट्रॅक्टरची शक्ती 40HP पर्यंत असते तर मिनी ट्रॅक्टरची शक्ती 20-30HP पर्यंत असते. तसेच मोठ्या ट्रॅक्टरची शक्ती 60HP पर्यंत असते. त्यामुळे ट्रॅक्टरच्या हॉर्सपॉवरनुसार तुमचा ट्रॅक्टर किती शक्तीशाली आहे हे समजते.
जर तुम्हाला अधिक शक्तिशाली असणारा ट्रॅक्टर खरेदी करायचा असेल तर तुमच्यासाठी सोनालिका WT 60 एक चांगला पर्याय आहे. हा ट्रॅक्टर मजबूत देखील आहे आणि वाहतुकीच्या दृष्टिकोनातून शक्तीशाली देखील आहे.
सोनालिका WT 60 एक मजबूत ट्रॅक्टर आहे
कमी किमतीमध्ये सोनालिका WT 60 हा मजबूत ट्रॅक्टर हा तुमच्यासाठी सर्वोत्तम आहे. या ट्रॅक्टरमध्ये 4 सिलेंडर्ससह 60HP इंजिन देण्यात येत आहे. या ट्रॅक्टरचा PTO 51 HP आहे. या ट्रॅक्टरमध्ये ड्राय प्री क्लीनर एअर फिल्टर देण्यात येतो.
शेतीतील अवजड कामांसाठी हा ट्रॅक्टर सर्वोत्तम आहे. शक्तिशाली असल्याने शेतीतील अवजड कामे हा ट्रॅक्टर सहज करू शकतो. शेतीची अवजारे सहज ओढून नेण्याची क्षमता या ट्रॅक्टरमध्ये आहे.
सोनालिका WT 60 ट्रॅक्टरची वैशिष्ट्ये
या ट्रॅक्टरमध्ये व्हील ड्राईव्ह तसेच पॉवर स्टीयरिंग आहे त्यामुळे तो अगदी सहज चालवता येतो.
सोनालिका WT 60 ट्रॅक्टरमध्ये 12 फॉरवर्ड आणि 12 रिव्हर्स गीअर्स देण्यात येतात. तसेच ऑइल ब्रेक देखील या ट्रॅक्टरमध्ये देण्यात येत आहेत.
सोनालिका WT 60 ट्रॅक्टरमध्ये इनधन साठवण्यासाठी 62 लिटरची टाकी देण्यात आली आहे.
ट्रॅक्टरमध्ये 2,500 किलो वजनाचे हायड्रॉलिक लिफ्टिंग आहे आणि हा ट्रॅक्टर सर्वात जड मशागत आणि पेरणीची अवजारे सहजपणे हाताळू शकतो.
ट्रॅक्टरला सी-थ्रू हेडलॅम्प मिळतो ज्यामुळे रात्री चालवताना दृश्यमानता वाढते. ट्रॅक्टरला फिंगर टच कंट्रोल सेन्सर बसवण्यात आले आहे.
ट्रॅक्टरची किंमत 9.34 ते 9.71 लाख रुपये आहे. ट्रॅक्टरवर २ वर्षांची वॉरंटी देण्यात येते.
