BH मालिका नोंदणी: देशभरातील वैयक्तिक वाहनांची सुरळीत हालचाल सुनिश्चित करण्यासाठी, राज्ये आणि केंद्रशासित प्रदेशांनी वाहनांच्या नोंदणीसाठी नवीन भारत मालिका (BH – series) सुरू केली आहे. धोरण सुरू झाल्यापासून 24 राज्ये आणि केंद्रशासित प्रदेशांमध्ये 20,000 वाहनांची नोंदणी झाली आहे. सरकारने गेल्या वर्षी वाहनांच्या नोंदणीची नवीन प्रणाली आणली होती. याअंतर्गत वाहनधारकांना एका राज्यातून दुस-या राज्यात जाताना आणि तेथे हस्तांतरण करताना वाहनांची पुनर्नोंदणी करावी लागणार नाही. नंबर प्लेट्सच्या नवीन सीरिजचे नाव भारत म्हणजेच BH सीरीज असे ठेवण्यात आले आहे. त्यामुळे कोणत्याही राज्यातून दुसऱ्या राज्यात वाहन घेऊन जाताना नंबर बदलण्याची गरज आता संपली आहे.
पोलीस थांबवणार नाहीत:
विशेष म्हणजे या नंबर प्लेट (number plate) असलेल्या वाहनांना चेकपोस्टवर (checkpost) न थांबता आणि स्थानिक/राज्याच्या नियमानुसार कर न भरता ये – जा करण्याची सुविधा मिळणार आहे. आतापर्यंत तीस हजारांहून अधिक परवानग्या आणि २,७५,००० अधिकृतता पत्रे देण्यात आली आहेत.
बीएच नंबर सीरीज म्हणजे काय?
बीएच सीरीजची खास गोष्ट म्हणजे ही नंबर प्लेट असलेली कार देशाच्या कोणत्याही कोपऱ्यात फिरू शकते. नवीन ठिकाणी हस्तांतरण किंवा एका राज्यातून दुसऱ्या राज्यात जाण्यासाठी पुनर्नोंदणी किंवा एनओसीची आवश्यकता नाही. सध्या सीरिज क्रमांकाचे वाहन दुसऱ्या राज्यात चालवायचे असल्यास एनओसी घेऊन नवीन नोंदणी करावी लागते.
