Maruti Eeco | जर तुम्ही कमी बजेटमध्ये एक सात आसनी वाहन खरेदी करण्याचा विचार करत असाल, तर मारुती सुझुकीची ‘इको’ ही एक उत्तम पर्याय असू शकते. मारुती सुझुकी इको ही देशातील सर्वात स्वस्त व्हॅन असून ती व्यापारी तसेच कौटुंबिक वापरासाठी उपयुक्त ठरते. या गाडीचा बेस व्हेरिएंट खरेदी करण्यासाठी जर तुम्ही फक्त 1 लाख रुपयांचे डाऊन पेमेंट करण्याचा विचार करत असाल, तर उर्वरित रक्कम फायनान्सद्वारे कशी भरायची आणि दरमहा किती EMI लागेल, हे जाणून घेणे महत्त्वाचे ठरेल.
सध्या मारुती सुझुकी इकोचा बेस व्हेरिएंटची एक्स-शोरूम किंमत 5.44 लाख रुपये इतकी आहे. जर तुम्ही ही कार दिल्लीमध्ये खरेदी केली, तर तिची ऑन-रोड किंमत सुमारे 6.20 लाख रुपये इतकी होते. या किमतीत वाहन नोंदणी (RTO), विमा आणि फास्टॅगचा समावेश असतो. विशेष म्हणजे, कमी बजेटमध्ये सात आसनी वाहन घेण्याची इच्छा असलेल्या ग्राहकांसाठी ही गाडी अधिक फायदेशीर ठरते.
EMI प्लॅन जाणून घ्या-
जर तुम्ही फक्त 1 लाख रुपये डाऊन पेमेंट करता, तर उर्वरित 5.20 लाख रुपयांची रक्कम बँकेकडून कर्ज घेतली जाईल. जर हे कर्ज 9 टक्के वार्षिक व्याजदराने 7 वर्षांसाठी घेतले गेले, तर त्यानुसार दरमहा सुमारे 8,365 रुपये इतका EMI भरावा लागतो. याचा अर्थ, एकूण कर्जाच्या कालावधीत (7 वर्षांत) सुमारे 1.82 लाख रुपये व्याजाच्या स्वरूपात द्यावे लागतील.
त्यामुळे कारची एकूण किंमत (कर्जाची रक्कम + व्याज + डाऊन पेमेंट) सुमारे 8.02 लाख रुपये होते. ही किंमत इकोच्या किमतीनुसार किफायतशीर मानली जाते, विशेषतः जेव्हा सात आसनी वाहनासाठी पर्याय मर्यादित असतात.
स्पर्धा कुणाशी?
मारुती इकोला थेट कुठल्याही वाहनाची स्पर्धा नाही, पण किमतीच्या श्रेणीत रेनॉल्ट ट्रायबरसारखी सात आसनी कार तिच्या जवळपास येते. मात्र ट्रायबर ही एक अधिक प्रीमियम कार आहे, त्यामुळे कमी बजेटमध्ये प्रॅक्टिकल आणि स्पेसियस गाडी हवी असल्यास इको हा पर्याय अधिक योग्य ठरतो.
मारुती सुझुकी इको ही आजही व्यावसायिक आणि कौटुंबिक वापरासाठी सर्वाधिक पसंतीस उतरते आहे. EMI ऑप्शनसह ती आणखी सहज उपलब्ध होत असून, कमी बजेटमध्ये कार घेण्याची स्वप्न पूर्ण करण्यासाठी ही एक चांगली संधी आहे.
