Car EMI Calculator : कार घेणं हे प्रत्येक भारतीय व्यक्तीचं एक मोठं स्वप्न असतं ! आपल्या मेहनतीच्या कमाईतून आपली स्वतःची कार खरेदी करणं ही केवळ एक भौतिक वस्तू मिळवण्याची गोष्ट नसून, ती एक भावनिक आणि सामाजिक ओळख बनते. ही कार केवळ प्रवासाचं साधन नसते, तर ती आपल्या स्वप्नांची, मेहनतीची आणि यशाची साक्ष देते. आपल्या कुटुंबाला सुखद प्रवास अनुभव देणं, गरज पडल्यावर कोणावरही अवलंबून न राहणं आणि आपल्या जीवनशैलीत एक पायरी वर जाणं – हे सगळं एका कारमुळे शक्य होतं.
भारतात SUV ची क्रेझ गेल्या काही वर्षांत कमालीची वाढली आहे. स्टायलिश लूक, पॉवरफुल परफॉर्मन्स आणि प्रॅक्टिकॅलिटी यामुळे टॉप 10 कार्सच्या यादीत SUVs चा दबदबा आहे. खासकरून टॉप 5 SUVs तर मार्केटमध्ये सातत्याने अव्वल स्थान पटकावतायत. या गाड्या सेफ्टी, फीचर्स आणि मायलेज यांचा परफेक्ट मेळ साधतात, ज्यामुळे त्या भारतीय ग्राहकांच्या पसंतीस उतरतात.
पण या ड्रीम SUVs घेण्यासाठी तुमच्या खिशात किती पैसे असावे लागतील? आणि त्यासाठी किती पगाराची गरज आहे? या लेखात आम्ही भारतात सर्वाधिक विक्री होणाऱ्या टॉप 5 SUVs – टाटा पंच, ह्युंदाई क्रेटा, मारुती ब्रेझा, टाटा नेक्सॉन आणि महिंद्रा स्कॉर्पिओ N – यांच्या किंमती, EMI आणि मिनिमम सॅलरी रिक्वायरमेंट्सवर सविस्तर चर्चा करणार आहोत.
Tata Punch EMI Calculator
मित्रानो लिस्टमधील पहिली कार आहे टाटा पंच ! ही सब-4 मीटर SUV भारतातली सुपरहिट गाडी आहे, जी डिसेंबर 2024 मध्ये टॉप सेलिंग मॉडेल्सपैकी एक होती. तिचं कॉम्पॅक्ट साइज, 5-स्टार G-NCAP सेफ्टी रेटिंग आणि CNG ऑप्शन यामुळे ती सिटी ड्रायव्हिंग आणि छोट्या कुटुंबांसाठी आयडियल आहे. तिच्या किफायतशीर किंमतीमुळे फर्स्ट-टाइम SUV बायर्स तिच्याकडे आकर्षित होतात. पंचमध्ये 1.2-लिटर पेट्रोल इंजिन (86 bhp, 113 Nm) आहे, जे मॅन्युअल आणि AMT गिअरबॉक्ससह येते. CNG व्हेरिएंट 26.99 km/kg मायलेज देते, ज्यामुळे फ्युअल कॉस्ट कमी होते. सेफ्टी फीचर्समध्ये ड्युअल airbags, ABS, EBD आणि रिअर पार्किंग सेन्सर्स यांचा समावेश आहे. फीचर्सच्या बाबतीत, 7-इंच टचस्क्रीन, ऑटो क्लायमेट कंट्रोल आणि LED DRLs तिला मॉडर्न बनवतात. किंमत 7.26 लाख ते 12.15 लाख रुपये (ऑन-रोड, मुंबई) आहे. बेस Pure MT साठी EMI 11,855 रुपये/महिना आणि टॉप Creative + S AMT Camo Edition साठी 19,734 रुपये/महिना आहे. यासाठी मिनिमम सॅलरी 49,000 ते 83,000 रुपये/महिना लागेल.
Hyundai Creta EMI Calculator
लिस्टमधील दुसरी कार आहे ह्युंदाई क्रेटाने मार्च 2025 मध्ये 18,000+ युनिट्स विक्रीसह मिड-साइज SUV सेगमेंटमध्ये आपलं वर्चस्व सिद्ध केलं. तिची बोल्ड डिझाइन, प्रीमियम इंटीरियर्स आणि मल्टिपल पॉवरट्रेन ऑप्शन्स (पेट्रोल, डिझेल, टर्बो-पेट्रोल) यामुळे ती यंग आणि फॅमिली बायर्सना आवडते. क्रेटामध्ये 1.5-लिटर पेट्रोल (115 bhp), 1.5-लिटर डिझेल (116 bhp) आणि 1.4-लिटर टर्बो-पेट्रोल (140 bhp) इंजिन्स आहेत, जे मॅन्युअल, ऑटोमॅटिक आणि DCT गिअरबॉक्ससह येतात. मायलेज 17-21 kmpl आहे. फीचर्समध्ये 10.25-इंच टचस्क्रीन, पॅनोरॅमिक सनरूफ, वायरलेस चार्जिंग, 6 airbags आणि ADAS यांचा समावेश आहे. किंमत 13.16 लाख ते 24.88 लाख रुपये (ऑन-रोड, मुंबई) आहे. बेस E Petrol MT साठी EMI 21,243 रुपये/महिना आणि टॉप SX(O) Dual Tone Diesel AT Knight Edition साठी 39,196 रुपये/महिना आहे. यासाठी मिनिमम सॅलरी 90,000 ते 1.70 लाख रुपये/महिना लागेल.
Maruti Suzuki Brezza EMI Calculator
तिसरी कार अनेक वर्षांपासून भारतीय रस्त्यावर धावताना दिसते आहे, मारुती ब्रेझा ही सब-कॉम्पॅक्ट SUV आहे, जी मायलेज, रिलायबिलिटी आणि मारुतीच्या स्ट्रॉंग सर्व्हिस नेटवर्कमुळे फॅमिली कार म्हणून पॉप्युलर आहे. तिचं CNG व्हेरिएंट आणि कमी मेंटेनन्स कॉस्ट यामुळे ती बजेट-कॉन्शियस बायर्ससाठी हिट आहे. ब्रेझामध्ये 1.5-लिटर पेट्रोल इंजिन (103 bhp, 137 Nm) आहे, जे मॅन्युअल आणि 6-स्पीड ऑटोमॅटिक गिअरबॉक्ससह येते. CNG मोडमध्ये ती 25.51 km/kg मायलेज देते, तर पेट्रोलमध्ये 19-20 kmpl. फीचर्समध्ये 9-इंच टचस्क्रीन, हेड्स-अप डिस्प्ले, 6 airbags आणि 360-degree कॅमेरा यांचा समावेश आहे. किंमत 10.88 लाख ते 17.73 लाख रुपये (ऑन-रोड, मुंबई) आहे. बेस LXi साठी EMI 16,617 रुपये/महिना आणि टॉप ZXi+ AT Dual Tone साठी 27,038 रुपये/महिना आहे. यासाठी मिनिमम सॅलरी 74,000 ते 1.21 लाख रुपये/महिना लागेल.
Tata Nexon EMI Calculator
चौथी कार आहे टाटा नेक्सॉन ही कॉम्पॅक्ट SUV तिच्या 2023 फेसलिफ्टनंतर आणखी पॉप्युलर झाली. तिची मल्टिपल पॉवरट्रेन ऑप्शन्स (पेट्रोल, डिझेल, CNG, इलेक्ट्रिक), 5-स्टार G-NCAP सेफ्टी रेटिंग आणि मॉडर्न फीचर्स यामुळे ती यंग बायर्सची फेव्हरेट आहे. नेक्सॉनमध्ये 1.2-लिटर टर्बो-पेट्रोल (120 bhp) आणि 1.5-लिटर डिझेल (115 bhp) इंजिन्स आहेत, जे मॅन्युअल, AMT आणि DCT गिअरबॉक्ससह येतात. मायलेज 17-24 kmpl आहे. फीचर्समध्ये 10.25-इंच टचस्क्रीन, डिजिटल ड्रायव्हर डिस्प्ले, वेंटिलेटेड सीट्स आणि 6 airbags यांचा समावेश आहे. किंमत 9.30 लाख ते 18.60 लाख रुपये (ऑन-रोड, मुंबई) आहे. बेस Smart MT साठी EMI 15,297 रुपये/महिना आणि टॉप Fearless + PS DT Diesel AMT साठी 29,448 रुपये/महिना आहे. यासाठी मिनिमम सॅलरी 64,000 ते 1.28 लाख रुपये/महिना लागेल.
Mahindra Scorpio N EMI Calculator
मित्रानो लिस्टमधील पाचवी कार आहे महिंद्रा स्कॉर्पिओ N ही लार्ज SUV तिच्या रग्ड लूक, पॉवरफुल इंजिन्स आणि कमांडिंग ड्रायव्हिंग एक्स्पिरियन्ससाठी ओळखली जाते. फॅमिली ट्रिप्स आणि ऑफ-रोडिंगसाठी ती परफेक्ट आहे. स्कॉर्पिओ N मध्ये 2.0-लिटर पेट्रोल (203 bhp) आणि 2.2-लिटर डिझेल (175 bhp) इंजिन्स आहेत, जे 6-स्पीड मॅन्युअल/ऑटोमॅटिक आणि 4WD ऑप्शन्ससह येतात. मायलेज 14-16 kmpl आहे. फीचर्समध्ये 8-इंच टचस्क्रीन, 6 airbags, ADAS आणि प्रीमियम लेदर सीट्स यांचा समावेश आहे. किंमत 16.74 लाख ते 30.37 लाख रुपये (ऑन-रोड, मुंबई) आहे. बेस Z2 7-Seater Petrol MT साठी EMI 26,755 रुपये/महिना आणि टॉप Z8L 4×4 Diesel AT Carbon Edition साठी 47,597 रुपये/महिना आहे. यासाठी मिनिमम सॅलरी 1.14 लाख ते 2.02 लाख रुपये/महिना लागेल.
तुमच्यासाठी कोणती SUV बेस्ट
टाटा पंच ही बजेट-फ्रेंडली आणि सिटी ड्रायव्हिंगसाठी बेस्ट आहे, तर ह्युंदाई क्रेटा प्रीमियम फीचर्स आणि लाँग ड्राइव्ह्ससाठी आयडियल आहे. मारुती ब्रेझा मायलेज आणि कमी मेंटेनन्ससाठी परफेक्ट आहे, आणि टाटा नेक्सॉन यंग बायर्ससाठी व्हर्सेटाइल ऑप्शन्स देते. महिंद्रा स्कॉर्पिओ N रोड प्रेसन्स आणि ऑफ-रोडिंग लव्हर्ससाठी बनली आहे. तुमच्या गरजा आणि बजेटनुसार डीलरशिपला भेट द्या, टेस्ट ड्राइव्ह घ्या आणि तुमची ड्रीम SUV निवडा!
(नोंद: EMI 10% व्याजदर आणि 5 वर्षांच्या कालावधीसाठी गृहीत धरली आहे, आणि पगाराच्या 25% रक्कम EMI साठी वापरली जाईल असं समजलं आहे.)
