Mahindra Cars Discounts : तुम्ही यावेळी एक आलिशान SUV कार खरेदी करण्याचा विचार करत असाल, तर आघाडीची ऑटोमोबाईल उत्पादक कंपनी महिंद्रा द्वारे ऑफर केली जाणारी सवलत तुमच्यासाठी उत्तम ठरू शकते. महिंद्रा मोटर्सने विक्रीला प्रोत्साहन देण्यासाठी आपल्या लोकप्रिय SUV कार XUV700 च्या किमतीत मोठी कपात केली आहे. XUV700 च्या तिसऱ्या वर्धापनदिनानिमित्त कंपनी ही विशेष सूट देत आहे. लक्षात घ्या कंपनीची ही ऑफर मर्यादित काळासाठी आहे.
कंपनीने नुकतेच महिंद्र XUV700 मध्ये डीप फॉरेस्ट आणि बर्ंट सिएना हे दोन नवीन कलर व्हेरियंट समाविष्ट केले आहेत. आता ही कार 7 रंग पर्यायांसह उपलब्ध आहे. यामध्ये 2 नवीन रंगांची भर घातल्याने आता एकूण 9 रंगांचे पर्याय उपलब्ध आहेत. तसेच, तुमच्या माहितीसाठी ॲनिव्हर्सरी ऑफर अंतर्गत डिस्काउंट फक्त 4 महिन्यांसाठी ऑफर केला जात आहे.
XUV700 AX7 L 6 आणि 7-सीटर पर्यायांमध्ये येते. ऑफर अंतर्गत, त्याच्या 6-सीटर पेट्रोल आणि डिझेल प्रकारांवर 1.45 लाख ते 1.75 लाख रुपयांची सूट उपलब्ध आहे. या मॉडेलच्या पेट्रोल एमटी व्हेरिएंटच्या 6-सीटर व्हर्जनच्या किंमतीत बदल केल्यानंतर त्याची किंमत आता 19.69 लाख रुपये झाली आहे. XUV700 6-सीटर AT आवृत्तीचे डिझेल 6-सीटर MT प्रकार 20.19 लाख रुपयांना विक्रीसाठी उपलब्ध आहे, तर त्याच्या डिझेल प्रकाराची किंमत 21.59 लाख रुपये आहे. .
या मर्यादित ऑफर अंतर्गत Mahindra XUV 700 च्या 7-सीटर आवृत्तीचे सर्व प्रकार 2 लाख रुपयांपर्यंत स्वस्त झाले आहेत. Mahindra XUV700 च्या 7-सीटर AWD डिझेल ऑटोमॅटिक वेरिएंटची किंमत 22.80 लाख रुपये एक्स-शोरूम आहे. जी आता 2 लाख रुपयांनी कमी झाली आहे.
दरम्यान, Mahindra XUV700 SUV चे 7-सीटर पेट्रोल AT प्रकार कंपनीच्या सवलतीनंतर 23.49 लाख रुपयांना विक्रीसाठी ऑफर करण्यात आले आहे. तर त्याच्या डिझेल एटी प्रकाराची नवीन किंमत 23.99 लाख रुपये असेल.
