भारतीय बाजारपेठेत Honda Motorcycle and Scooter India (HMSI) ने नवीन Honda NX200 बाईक लाँच केली आहे.ॲडव्हेंचर राइडिंगसाठी डिझाइन करण्यात आलेली ही दमदार बाईक ₹1.68 लाखांच्या सुरुवातीच्या एक्स-शोरूम किंमतीसह उपलब्ध आहे. Honda ची ही नवीन मोटरसायकल Red Wing आणि Big Wing डीलरशिपवर खरेदीसाठी उपलब्ध करण्यात आली आहे.
Honda NX200 ही NX500 वर आधारित असून, तिच्या डिझाइनमध्ये मस्क्युलर फ्युएल टँक,आकर्षक ग्राफिक्स आणि X-आकाराचे LED टेल लॅम्प यामुळे ही बाईक एकदम स्पोर्टी आणि प्रभावशाली दिसते.कंपनीने बाईकमध्ये अत्याधुनिक तंत्रज्ञानाचा समावेश केला असून,या बाईकचे इंजिन, परफॉर्मन्स आणि टेक्नोलॉजी ग्राहकांसाठी एक आकर्षक पॅकेज ठरू शकते.
स्टायलिश लूक
Honda NX200 ची रचना NX500 वरून प्रेरित आहे, त्यामुळे ही बाईक आधुनिक तंत्रज्ञानासोबतच अधिक मस्क्युलर आणि मजबूत बनली आहे.बाईकचा लूक अतिशय आक्रमक आणि आकर्षक दिसतो,जो ॲडव्हेंचर बाइक प्रेमींसाठी उत्तम पर्याय ठरेल.बाईकमध्ये नवीन LED हेडलॅम्प, स्लीक LED विंकर्स आणि X-आकाराचे LED टेल लॅम्प देण्यात आले आहेत,जे रस्त्यावर जबरदस्त उपस्थिती दर्शवतात.मस्क्युलर फ्युएल टँक,उंच सस्पेन्शन आणि दमदार फ्रंट फोर्क्स या बाईकच्या लुकला अधिक स्पोर्टी बनवतात. Honda NX200 ही बाईक तीन आकर्षक रंगांमध्ये उपलब्ध आहे ; ॲथलेटिक ब्लू मेटॅलिक रेडियंट रेड मेटॅलिक पर्ल इग्नियस ब्लॅक
परफॉर्मन्स
Honda NX200 मध्ये 184.4cc, सिंगल-सिलेंडर, 4-स्ट्रोक इंजिन देण्यात आले आहे, जे OBD2B-कंप्लायंट आहे. हे इंजिन 12.5 kW (16.9 hp) ची पॉवर आणि 15.7 Nm टॉर्क निर्माण करते. ही बाईक 5-स्पीड गिअरबॉक्ससह येते, ज्यामुळे रायडिंगचा अनुभव आणखी सहज आणि स्मूथ होतो. इंजिनमध्ये सुपीरियर फ्युएल इंजेक्शन टेक्नोलॉजी (PGM-FI) देण्यात आले आहे,ज्यामुळे अधिक मायलेज आणि उत्तम थ्रॉटल रिस्पॉन्स मिळतो.बाईकची ग्राउंड क्लीअरन्स आणि मजबूत सस्पेन्शन ॲडव्हेंचर राइडिंगसाठी उत्तम आहेत. खडबडीत रस्ते, उंच सखल भाग आणि लांब अंतराच्या प्रवासासाठी ही बाईक परफेक्ट पर्याय ठरू शकते.
फीचर्स
Honda ने या बाईकमध्ये अत्याधुनिक तंत्रज्ञानाचा वापर केला आहे, जो रायडिंग अनुभव अधिक आरामदायक आणि सुरक्षित बनवतो.
4.2-इंचाचा फुल डिजिटल TFT डिस्प्ले – बाईकमध्ये ब्लूटूथ कनेक्टिव्हिटीसह 4.2-इंच फुल डिजिटल TFT डिस्प्ले देण्यात आला आहे, जो रायडरला आवश्यक सर्व माहिती दाखवतो. यामध्ये Honda RoadSync ॲपचा सपोर्ट आहे, ज्याद्वारे नेव्हिगेशन, कॉल नोटिफिकेशन्स आणि एसएमएस अलर्ट मिळतात.
USB Type-C चार्जिंग पोर्ट – बाईकमध्ये USB C-प्रकार चार्जिंग पोर्ट देण्यात आला आहे, जो लांब पल्ल्याच्या राइड्ससाठी अत्यंत उपयोगी ठरतो.
Honda Selectable Torque Control (HSTC) – ही बाईक Honda च्या टॉर्क कंट्रोल तंत्रज्ञानासह येते, ज्यामुळे रायडिंग दरम्यान गाडी अधिक स्थिर राहते आणि ग्रिप सुधारते.
Assist आणि Slipper Clutch – बाईकमध्ये असिस्ट आणि स्लिपर क्लच टेक्नोलॉजी आहे, जी गियरशिफ्ट अधिक सहज बनवते आणि रायडिंगला अधिक स्थिरता प्रदान करते.
Dual-Channel ABS (Anti-Lock Braking System) – NX200 मध्ये ड्युअल-चॅनल ABS सिस्टम देण्यात आली आहे, जी अचानक ब्रेकींग दरम्यान अधिक सुरक्षितता प्रदान करते. संपूर्ण ब्रेकिंग सिस्टीम अत्याधुनिक असून, यात समोर आणि मागे डिस्क ब्रेक्स देण्यात आले आहेत.
किंमत
Honda NX200 ही बाईक ₹1,68,499 (एक्स-शोरूम) मध्ये उपलब्ध आहे. ही बाईक Honda च्या Red Wing आणि Big Wing डीलरशिपवर उपलब्ध असेल, त्यामुळे ग्राहकांना अधिक चांगल्या सेवा आणि प्रीमियम बाईक अनुभव मिळेल.Honda ने ही बाईक केवळ एकाच प्रकारात सादर केली आहे,मात्र त्यात तीन भिन्न रंग पर्याय उपलब्ध आहेत,त्यामुळे ग्राहकांना निवड करण्यासाठी उत्तम ऑप्शन्स मिळतात.मित्रानो जर तुम्ही एक उत्तम ॲडव्हेंचर बाइक शोधत असाल, तर Honda NX200 ही बाईक तुमच्यासाठी योग्य पर्याय ठरू शकते.
