महिंद्रा कंपनीने नुकतीच भारतीय मार्केटमध्ये स्कॉर्पिओ एन कार्बन एडिशन ही एक प्रीमियम एसयूव्ही लॉन्च केली असून तिला जोरदार प्रतिसाद मिळत आहे. ही एसयूव्ही दमदार इंजिन, स्टायलिश लुक आणि उत्तम ऑफ-रोड क्षमतेसाठी प्रसिद्ध आहे. जर तुम्ही ही गाडी खरेदी करण्याचा विचार करत असाल आणि फायनान्ससह EMI प्लॅन शोधत असाल, तर ५ लाख रुपयांचे डाउन पेमेंट केल्यानंतर तुम्हाला दरमहा किती EMI भरावा लागेल, याची सविस्तर माहिती आज आपण पाहुयात.
महिंद्रा स्कॉर्पिओ एन कार्बन एडिशनची किंमत
महिंद्रा स्कॉर्पिओ एन कार्बन एडिशनची एक्स-शोरूम किंमत १९.१९ लाख रुपये आहे. मात्र, गाडी खरेदी करताना RTO, विमा आणि इतर शुल्क धरून तिची ऑन-रोड किंमत वाढते. या गाडीची ऑन-रोड किंमत सुमारे २२.३३ लाख रुपये आहे. यात RTO खर्च सुमारे १.९२ लाख रुपये, विम्यासाठी १.०३ लाख रुपये आणि टॅक्स कलेक्शन म्हणून १९,१९४ रुपये समाविष्ट आहेत.
५ लाख डाउन पेमेंटनंतर कर्ज
जर तुम्ही ५ लाख रुपये डाउन पेमेंट म्हणून भरले, तर उर्वरित रक्कम बँकेकडून कर्ज स्वरूपात घ्यावी लागेल. सामान्यतः बँका केवळ एक्स-शोरूम किमतीवरच कर्ज मंजूर करतात. त्यामुळे, ५ लाख रुपये भरण्यानंतर, तुम्हाला १७.३३ लाख रुपयांचे कर्ज घ्यावे लागेल. हे कर्ज ९% वार्षिक व्याजदराने ७ वर्षांसाठी घेतल्यास EMI किती असेल, याचा तपशील पुढीलप्रमाणे आहे.
७ वर्षांसाठी EMI आणि एकूण परतफेड
९% वार्षिक व्याजदराने ७ वर्षांसाठी १७.३३ लाखांचे कर्ज घेतल्यास तुमचा मासिक EMI २७,८९५ रुपये असेल. या कालावधीत तुम्हाला एकूण ६.०९ लाख रुपये व्याज भरावे लागेल. त्यामुळे ७ वर्षांमध्ये गाडीच्या कर्जासाठी तुम्हाला एकूण २८.४३ लाख रुपये द्यावे लागतील.
जर तुम्ही कर्जाचा कालावधी कमी केलात तर EMI वाढेल, पण तुम्हाला कमी व्याज द्यावे लागेल. ५ वर्षांसाठी कर्ज घेतल्यास EMI ३५,९६४ रुपये असेल आणि एकूण परतफेड २५.५७ लाख रुपये होईल. ६ वर्षांसाठी EMI ३१,१५८ रुपये असेल आणि एकूण परतफेड २६.१७ लाख रुपये होईल. त्यामुळे, तुम्ही जास्त EMI भरू शकत असाल तर लोन कालावधी कमी ठेवल्यास व्याजात मोठी बचत होऊ शकते.
EMI कमी करण्याचे मार्ग
महिन्याचा EMI कमी करण्यासाठी तुम्ही काही गोष्टींचा विचार करू शकता. मोठे डाउन पेमेंट केल्यास लोनची रक्कम कमी होईल आणि EMI देखील कमी होईल. काही बँका ८.५% व्याजदराने कर्ज देतात, त्यामुळे EMI आणखी कमी होऊ शकतो. तसेच, लहान कालावधीसाठी लोन घेतल्यास व्याजाचा भार कमी पडेल.
महिंद्रा स्कॉर्पिओ एन कार्बन एडिशन का खरेदी करावी ?
ही एसयूव्ही दमदार रोड प्रेझेन्स, उत्कृष्ट ऑफ-रोडिंग क्षमता आणि प्रीमियम फीचर्ससह येते. महिंद्राने या गाडीला नवीन स्पोर्टी डिझाइन आणि अॅडव्हान्स फीचर्स दिले आहेत, ज्यामुळे ती Tata Safari, Hyundai Alcazar आणि MG Hector सारख्या गाड्यांना जोरदार टक्कर देते. जर तुम्हाला प्रीमियम एसयूव्ही हवी असेल आणि EMI प्लॅननुसार ती तुमच्या बजेटमध्ये बसत असेल, तर स्कॉर्पिओ एन कार्बन एडिशन नक्कीच उत्तम पर्याय ठरू शकतो.
